YOSUA 18:13 - Alkitab Singog In Mongondow Masa In Tanaa

¹³ Botok in pinosigadan tatua minayá doman ná sipangkoion in buḷud kon dotá in toḷatan Lus (inta sinangoian Betel), bo nosiḻig kon Atarot-Adar kon buḷud kon dotá in toḷatan Bet-Horon-Hilir.

YOSUA 18:13 ပူးပေါင်းရင်းမြစ်များ

KINOBAḺIAN 28:19

Tampat tatua sinangoiannea Betel. (Koḻipod tangoinea Lus.)

NEHEMIA 11:31

Tongonumai in intau nongkon suku Benyamin in nogutun kon Geba, Mikhmas, Ai, Betel bo ḻipú mita kon diugnea,

YOSUA 10:11

Kon tungkuḷ in intau mita in Amori nosiḻig kon buḷud tatua sin moḷagui nongkon tontara mita in Israel, ki Tuhan nopoḷabú in uyan eis inta moḷoben nongkon ḷangit kon i monia kinoouputbí in daḷan nodapot kon Azeka. Inta minatoibí kinoḷabúan in uyan eis in mobayo-bayong nongkon inta iḻimod in intau mita in Israel.

YOSUA 16:5

Moiduduimai naa in sigad mita in butá inta inogoi kon motoḷuadí mita inta kon bonu in suku Epraim. Kon dotá in pomukaan, botok tonsigad in butá monia pinangkoi nongkon Atarot-Adar nodapot kon Bet-Horon-Hulu,

YOSUA 18:14

Nongkon dotá in toyopan kon buḷud tatua, botok sigad in butá tatua nomurow ná toḷatan nopobayá ná Kiryat-Baal (inta Kiryat-Yearim). Kiryat-Baal in kapunyaan in suku Yohuda. Tuata in botok sigad in butá tatua kon dotá in toyopan.

SAMUEL 1 13:18

paanan nogindua in nopobayá in Bet-Horon, bo paanan nogintoḷu in nopobayá ná pinosigadan inta noitayow kon Ḷopá in Zeboin bo padang gurun.