YOSUA 18:12 - Alkitab Singog In Mongondow Masa In Tanaa

¹² Kon dotá in utuan, sigad mita in butá monia pinangkoi kon Ongkag in Yordan, bo nopobayá ná sipangkoion mita in buḷud kon dotá in utuan kon Yerikho, onda intua nopobayá ná toyopan nongin buḷud nodapot kon butá in padang gurun Bet-Awen.

YOSUA 18:12 ပူးပေါင်းရင်းမြစ်များ

HOSEA 10:5

Intau inta nogutun kon kotá in Samaria in moondok; mosia bo imang mita inta mogundoi kon sapi buḷawan kon Betel tua in moajarbí in gina bo mongombaḷ popisí in bayongan inta kogaga in berhala monia tatua in noinggamádon.

HOSEA 4:15

Ei moiko intau in Israel, moiko in diá motoindudui kon i-Nakó! Táe, harapon-Ku mako Yohuda in diá mogaid kon taḷá ná inta inaidan monimu! Dika moibada kon Gilgal andeka kon Betel. Dika mongibot kon tua podoyon kon tangoi i Tuhan inta nobiag.

HOSEA 5:8

Irupdon in torompet kon Gibea! Posingogdon in tomponuot tongganut moparang kon Rama! Podidídon in kokow poparangan kon Betel! Mako, intau in Benyamin, bayádon poparang!

YOSUA 16:1

Botok mita in sigad in butá inta inogoi kon buí i Yusup, in pinangkoi kon Ongkag in Yordan kon diug in Yerikho, dotá in pomukaan kon bokaká mita in tubig in Yerikho nodapot kon padang gurun. Nongkon Yerikho, botok tatua in notakod nodapot kon Betel kon butá kon buḷud.

YOSUA 18:11

Tonsilai muna tuata inta noiḷabú kon motoḷuadí mita nongkon suku i Benyamin. Butá tonsilai monia tua in noiukat kon sigad in suku Yohuda bo butá in suku buí i Yusup.

YOSUA 2:1

Onda intua nongkon pinononḷoḷaigan kon Sitim, ki Yosua nopotabá in toimata doyowa minayá in Kanaan. Toimata doyowa tatua pinotabá monaridi kon butá in Kanaan takin umado-adop, totok moponting kon tua in kotá in Yerikho. Dá minayá in mosia kon kotá tatua, bo nongandupdon in mosia kon baḷoi in bobay inta sundaḷ tobatú, ki Rahab in tangoinea.

YOSUA 3:16

dá kon dodaipa doman tuata torú in tubig tatua nobontow. Nongkon uḷuan in tubig noyayú in kinosipunan tubig, tubig nosipun kon Adam, kon kotá tobatú inta kon ḻimako in kotá in Sartan. Tubig inta kon sioḷan inta noiḻig ná Laut Mati nobontowdon, dá umat in Israel iḷumoḷandon kon butá noingkag noyogintayowan in kotá in Yerikho. Imang mita inta nomotaan kon Poti Dodandian tatua umuranpabí sinimindog mako kon yua-yuak in ongkag tatua nodapot in bayongan umat in Israel noiḷoḷandon komintan.

YOSUA 6:1

Ḷoḻingkop in kotá mita in Yerikho totokdon in iḷukadan komintan bo iḻingkopan kinopira sinbá intau in Israel diá mokotuot. Diá tobatúmai intau in ogoi tumuot ande ḷumuai kon kotá tatua.

YOSUA 7:2

Kon dodai intua ki Yosua nopotabá in tongonumai in intau nongkon Yerikho minayá in Ai, kotá tobatú kon dotá in pomukaan kon Betel, kon diug in Bet-Awen. Intau mita tatua pinotabá pinoki taridian in butá tatua. Naonda in mosia nobui nongkon oaidan tatua,

YOSUA 8:15

Ki Yosua bo intaunea mita in ki ubo-uboḷmai umundok; mosia in noribatuk nopobayá in padang gurun.

SAMUEL 1 13:5

Bo kon dodai intua intau in Pilistin noyosipun domandon sin monubu kon intau in Israel; kon dotá monia oyúon in 30.000 in kereta in parang, 6.000 in intau sinumakoi kon kabaḷo, bo prajurit mita ná kobayong in bungaion kon pintad. Mosia in noyosipun kon Mikhmas kon dotá in pomukaan kon Bet-Awen.