YOSUA 18:10 - Alkitab Singog In Mongondow Masa In Tanaa

¹⁰ Bo nopogonik in undi in ki Yosua sin monotaau kon onu in sinantú i Tuhan kon i monia. Nopaḷut mako kon tua ki Yosua nobogoi in tonsilai butá kon batúan in suku bangusa Israel inta diápa nokouḻí kon tonsilai butá.

YOSUA 18:10 ပူးပေါင်းရင်းမြစ်များ

TAWARIKH 1 24:5

Sin pinomayá kon bonu in buí i Eleazar andeka kon bonu in buí i Itamar oyúon in pojabat mita in Baḷoi Tuhan bo itoi mita in agama, dá kon mosilai kon oaidan in nomaké in undian.

NEHEMIA 11:1

Itoi mita in nogutun notantú kon Yerusalem bo rayat in nopogonik in undi sin momiḻí kon motoḷuadí nongkon batúan in motoḷuadí mopuḷú inta musti mogutun kon kotá motusi, Yerusalem. Inta diá kinopiḻían in motaaubí mogutun kon kotá mita ibanea.

MAZMUR 47:4

Pinopountung-Nea in kita kon bangusa mita, binaḻí-Nea in kita mongogawasa kon suku mita in bangusa.

MAZMUR 61:5

Biódon mako in akuoi kinoouput in kobiaganku mogutun kon ḷoḷaigan-Mu, sinbá moaman kon bonu in oḻiung in koḻikip-Mu.

AMSAL 18:18

Pongin undian, ropatoi motaau tompiaan bui, nodapot in bobayowan kon sigad in intau nongawasa in motaaubí doman paḷuton.

YEREMIA 7:12

Bayádon in Silo, Kotá inta dungkuḷmai piniḻí-Ku nobaḻí pososumbaan kon i-Nakó. Indoiaidon onu in pinomia-Ku kon tampat tatua popisí in dosa in umat-Ku Israel.

YEHEZKIEL 47:22

bo butá tatua iko in kitogi modapot in mononoi. Intau mita ango-angoi inta nogutun notantú kon yua-yuakmu, bo kogadí kon adí mita inta pinononggadí kon tua, mustibí doman mokouḻí kon tonsilai nongkon butá tatua. Mosia in mustibí anggapon doman ná intau in Israel taakan, bo mosia in mustibí doman moitakin undion kon dodai in posilaian kon butá kon sigad in suku mita in Israel.

YEHEZKIEL 48:29

Ki Tuhan Inta Totok in moḷantud in noguman, “Natuata in butá tatua musti sila-silaion kon suku mita in Israel.”

MIKHA 2:5

Tuamai, aka moiangoidon in wakutunea butá tatua pobuiondon kon i umat i Tuhan, diábí tobatúmai nongkon i monimu in motarima kon tonsilainea.

PINOGIAPAN 34:16

Ki Tuhan noguman kon i Musa,

MATIUS 27:35

Nopaḷut mako pinopopakú monia kon kayu pinoyotaḻempang, ḷambung-Nea in sinila-silai mako monia. Mosia nosilai kon ḷambung-Nea tatua takin nomaké in lot.

YOHANES 17:2

Amá inogoi-Mudon in kawasa kon i-Nia sin mongawasa kon bayongan inta nobiag, sinbá Sia in mobogoi doman in kobiagan mononoi kon i monia inta inogoi i Amá kon i-Nia.

OUMAN IN RASUL MITA 13:19

Bo pitu nobangusa in pinutúan-Nea kon butá in Kanaan tatua sin mosila-silai mako kon butá tatua kon bayongan in intau Israel sinbá mobaḻí kapunyaan monia.

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

KOLOSE 1:12

bo diá doman mokoḻiong in mosukur kon i Amá, sin ki Amá tua in nopopatus motarima kon onu inta sinadia i Allah kon umat-Nea inta nobiag kon bonu in bayag.

YOSUA 14:2

Ná onu inta ain pinarenta i Tuhan kon i Musa, butá mita inta kon dotá in toyopan kon Ongkag in Yordan inta ain sinantú kon siow bo tongobotak nosuku in bangusa Israel, musti silaion pongin undian.

YOSUA 14:5

Umat in Israel nosilai kon butá tatua pinodudui kon ná inta pinotaau i Tuhan kon i Musa.

YOSUA 18:11

Tonsilai muna tuata inta noiḷabú kon motoḷuadí mita nongkon suku i Benyamin. Butá tonsilai monia tua in noiukat kon sigad in suku Yohuda bo butá in suku buí i Yusup.

YOSUA 18:6

Gambar in sigad in butá mita inta pitu notonsilai tatua in musti pomiaan, bo ogoi kon inakó. Bain pogonikku in undi sin monotaau mongo onu in sinantú i Allah kon i monimu.

YOSUA 18:8

Dá ki Yosua in nobogoidon in topotundú mita tanaa kon intau mita tatua, “Bayádon taridiai in bayongan butá tanaa bo pomiaaidon kon gambar takin sigadnea mita; onda intua angoidon bui kon inakó. Bain mopogonik in akuoi in undi kon naa kon Silo sin monotaau mongo onu inta sinantú i Tuhan kon i monimu.” Naonda in notarima mako kon topotundú mita tatua nongkon i Yosua, minayádon in mosia nonaridi kon butá tatua.

YOSUA 18:9

Bayongan in butá tatua iḻibu monia, bo poḷat pinais monia in sigad mita in butá inta pitu notonsilai tatua bo poḷat doman pinais monia in kotá mita inta kon bonunea. Onda intua mosia nobui kon i Yosua kon pinononḷoḷaigan kon Silo.

YOSUA 19:51

Natuata in ki Imang Eleazar, ki Yosua adí i Nun bo tongguḷu mita in motoḷuadí kon bonu in suku mita kon bangusa Israel nosilai kon butá tatua takin nomaké in undi sin mopoigum in topotundú nongkon i Tuhan. Inaidan monia intua kon Silo kon tayowon in ngara in Ḷoḷaigan i Tuhan. Nopaḷutdon in pinosilaian kon butá tatua.

YOSUA 23:4

Butá mita in bangusa inta kinotaḷáanpa, ná doman tua in butá in bayongan bangusa inta ain sinaḷowku, tuata in butá inta nosimbanat nongkon dotá in pomukaan kon Ongkag in Yordan nopobayá ná toyopan nodapot kon Dagat Toyuak, bayongan intua aindon sinilaiku kon inimu sin mobaḻí kapunyaanmu.