YOSUA 17:2 - Alkitab Singog In Mongondow Masa In Tanaa

² Butá kon dotá in toyopan kon Ongkag in Yordan inogoi kon motoḷuadí mita ibanea nongkon buí i Manasye, inta motoḷuadí mita tanaa: ki Abiezer, Helek, Asriel, Sekhem, Heper bo i Semida; tua komintan bui ḷoḷaki nongkon i Manasye ki adí i Yusup. Mosia tua in tongguḷu mita in motoḷuadí.

YOSUA 17:2 ပူးပေါင်းရင်းမြစ်များ

TAWARIKH 1 7:18

Ki bobay i Gilead inta tangoinea in ki Molekhet in kogadí kon ḷoḷaki toḷu: ki Ishod, ki Abiezer bo ki Mahla.

YOSUA 17:1

Tongobotak in butá kon dotá in toyopan kon Ongkag in Yordan inogoi kon tongosilai in motoḷuadí buí i Manasye, adí guya-guyang i Yusup. Ki Makhir, ki amá i Gilead, adí guya-guyang i Manasye. Sin sia in tobatú tontara, dá butá in Gilead bo Basan inta noiukat kon dotá in pomukaan kon Ongkag in Yordan inogoi kon inia.

YOSUA 17:3

Ki Zelapehad, adí i Heper, ki ompu i Gilead (ki Gilead adí i Makhir, ki ompu i Manasye), diá kogadí kon ḷoḷaki, tongá adí bobay, inta tai Makhla, ki Noa, ki Hogla, ki Milka, ki Tirza.

HAKIM MITA 6:11

Kon singgai tobatú malaekat i Tuhan namangoi kon kotá in Opra, bo iḻimitú kon siungon in pangkoi kayu terpentin, kapunyaan i Yoas, intau nongkon inanakan i Abiezer. Ki adínea inta ki Gideon, koyogot moḻintogmai kon gandum kon tampat pomomugutan kon anggur. Inaidannea intua takin inumado-adop sinbá diá koontongan in intau in Midian.

HAKIM MITA 8:2

Táe ki Gideon in notubag, “Onu in pinomiaku diábí totok in moḷoben in mangaḻenea aka poyobandingonmai in onu inta ain pinomia monimu. Umpaka inta pinomia monimu tua tongá topiḻik, táe inta topiḻikbí tua in moḷobe-ḷoben in mangaḻenea nongkon bayongan inta ain inaidan in tontara nongkon inanakanku.