YOSUA 17:18 - Alkitab Singog In Mongondow Masa In Tanaa

¹⁸ Gamádon in butá inta kon buḷud, sin umpaka butá tatua kayuonpa, motaaubí inginon monimu intua bo baḻíon kapunyaan monimu komintan. Bo soaḷ intau mita in Kanaan tatua, kountunanbí monimu in mosia, umpakabí in mosia moropot bo kokereta mita in parang inta pinomia nongkon uatoi.”

YOSUA 17:18 ပူးပေါင်းရင်းမြစ်များ

KINOBAḺIAN 49:24

Táe kokaḷ i Yusup umuran motorindog, umuran moropot in piotnea, sin kawasa I Gombala Inta totok in moropot, ki Allah i Yakub, in Mogogoḻiung in Israel.

SAMUEL 2 18:6

Bo nobuatdon in tontara i Daud nomarang kon tontara in Israel, bo mosia in noparang kon kayuon in Epraim.

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

SURAT I PAULUS KON JAMAAT RUM 8:37

Táe! Kon bayongan tua mokouḻí in kita kon kauntungan inta mosompurna nongkon i-Nia inta motabi kon i naton!

ULANGAN 33:17

Kon i Yusup oyúon in ropot in bantong, bo tungoi in sapi in kayuon tuata in ribuan Manasye bo puḷúan ribu in Epraim. Bangusa mita in sinungoinea bo inundudnea nodapot in popod in butá.”

IBRANI 13:6

Tuamai mobaranibí in kita moguman, “Ki Tuhan in mototuḷungku, tuamai akuoi in diá moondok. Onubí in motaau aidan in intau kon inakó?”

YOSUA 13:6

Noituot doman in bayongan butá in intau in Sidon, inta nogutun kon buḷud kon sigad in buḷud mita in Libanon bo Misrepot-Maim.” “Bayongan in bangusa tatua in poguntunon-Kubí komintan, kon dodai in bangusa Israel monubudon kon i monia,” Guman i Tuhan noidudui kon i Yosua. “Butá tatua in mustibí sila-silaionmu kon umat in Israel sin mobaḻí kapunyaan monia, ná inta ain pinarenta-Ku kon inimu.

YOSUA 15:9

onda intua minayá ná bokaká in tubig Me-Neptoah, nodapot kon kotá mita inta kon diug in Buḷud Epron. Nongkon tua in sigad in butá tatua nomurow ná Baala (inta Kiryat-Yearim),

YOSUA 17:17

Dá ki Yosua in noguman kon suku in Epraim bo suku in Manasye kon toyopan tatua, “Totuu, kon moiko nion in moantódon totok bo moropotdon, bo patusdon ogoian in moiḻiu kon tongo tonsilai in butá.

YOSUA 20:7

Dá kon butá kon dotá in toyopan kon Ongkag in Yordan umat in Israel in nonantúdon kon kotá mita noiduduimai naa nobaḻí kotá pogogadopan: Kedes kon buḷud in Naptali kon Galilea, Sikhem kon buḷud in Epraim, bo Hebron kon buḷud in Yohuda.

SAMUEL 1 1:1

Oyúon ḷoḷaki tobatú, tangoinea in ki Elkana, nongkon suku Epraim. Sia in nogutun kon kotá in Rama, kon butá inta kon buḷud in Epraim. Ki Elkana naa in ki adí i Yeroham bo ki ompu i Elihu. Sia in noituot kon motoḷuadí i Tohu, uputpa in inanakan i Zup.