YOSUA 17:16 - Alkitab Singog In Mongondow Masa In Tanaa

¹⁶ Buí i Yusup tatua notubag, “Butá kon buḷud tatua in diábí tugat kon inami, bo bangusa in Kanaan inta nogutun kon rata mita inta moompá oyúon in kereta mita in parang inta pinomia nongkon uatoi – pinomayá inta nogutun kon Bet-Sean bo ḻipú mita inta kon diugneamai, ande mosia inta nogutun kon Ḷopá in Yizreel.”

YOSUA 17:16 ပူးပေါင်းရင်းမြစ်များ

DATU MITA IMITÁNEA 18:45

Tongádon tokokiap monag ḷangit nonggoḷomdon totok, bo tompot moropot nogirup bo uyan morogot nomangkoidon noḷabú. Ki Ahab in sinumakoi kon keretanea bo nobui kon Yizreel.

DATU MITA IMITÁNEA 18:46

Kon dodai intua ki Elia nokouḻí kon ropot nongkon i Tuhan. Nongopí in sia kon jubahnea pinodamonik bo pinopotogotnea kon ogotannea bodongka noribatuk inumuna kon i Ahab kinoouput in daḷan nodapot kon bonawang in kotá Yizreel.

DATU MITA IMITÁNEA 21:1

Kon diug in komaḻig i Ahab kon Yizreel oyúon in gobá in anggur totampat inta ki Nabot in kitogi.

DATU MITA IMITÁNEA 21:23

Bo kon i Izebel, ki Tuhan in noguman kon awaknea in kaanonbí in ungkú kon bonu in kotá in Yizreel.

DATU MITA 2 9:10

Ki Izebel in diábí ḷobongon. Awaknea in kaanonbí in ungkú kon butá in Yizreel.’ ” Naonda in nosingog mako kon tua, nabi inta nobagupa tatua iḻumuai bo noḷagui.

DATU MITA 2 9:37

bo kiagat in awak tatua in moitabudon magí mako naonda bo taai in mahaḷuk dá diábí tobatúmai in intau in monotaau kon mayat i ine intua.’ ”

YEREMIA 49:2

Táe moiangoibí in wakutunea baḻíon-Ku in intau inta nogutun kon Raba, ki iná in kotá in Amon tatua, mokodongog kon kokow in parang. Kotá tatua in mobaḻídon rumbunnea bo ḻipú mita kon diugnea in modait mopokak. Bo Israel in mogamá bui kon butánea nongkon intau mita inta dungkuḷmai nogagow.

YOSUA 17:11

Kon bonu in butá i Isakhar bo i Asyer tua oyúon in butá mita kapunyaan i Manasye, tuata in Bet-Sean bo Yibleam takin ḻipú mita kon diugneamai. Noituot doman: in Dor (kotá inta noiukat kon bingkí in dagat), En-Dor, Taanakh, Megido takin ḻipú mita kon diugneamai.

YOSUA 17:15

Ki Yosua notubag, “Popisí in moiko noiḻiudon in antó, nodapot butá kon buḷud in Epraim mosisídon kon i monimu, dá bayádon kon butá in intau in Peris bo Repaim. Ponaḷundon kon butá mita inta kon buḷud bo baḻídon butá monimu tontaní.”

YOSUA 17:17

Dá ki Yosua in noguman kon suku in Epraim bo suku in Manasye kon toyopan tatua, “Totuu, kon moiko nion in moantódon totok bo moropotdon, bo patusdon ogoian in moiḻiu kon tongo tonsilai in butá.

YOSUA 17:18

Gamádon in butá inta kon buḷud, sin umpaka butá tatua kayuonpa, motaaubí inginon monimu intua bo baḻíon kapunyaan monimu komintan. Bo soaḷ intau mita in Kanaan tatua, kountunanbí monimu in mosia, umpakabí in mosia moropot bo kokereta mita in parang inta pinomia nongkon uatoi.”

YOSUA 19:18

Noibonu kon butá monia tua in: Yizreel, Khesulot, Sunem,

HAKIM MITA 4:13

sia nosipun kon siow nogatut in kereta parangnea inta pinomia nongkon uatoi tatua, takin bayongan in tontaranea bo nodia kon i monia nongkon Haroset-Hagoyim minayá ná Ongkag in Kison.

HAKIM MITA 4:3

Ki Yabin kokereta in parang inta pinomia nongkon uatoi, 900 in kobayongnea. Doyowa nopuḷú notaong in koonggotnea sia in nononggata kon intau in Israel takin dodia moraat. Bo mosia in nokuani nokituḷung kon i Tuhan.

HAKIM MITA 6:33

Kon tungkuḷ intua bayongan in intau in Midian, Amalek bo suku mita in bangusa ibanea kon padang gurun inta kon dotá in pomukaan kon Yordan noyosipundon. Mosia in iḷumoḷan kon Ongkag in Yordan, bo nononḷoḷaigan kon Ḷopá in Yizreel.

SAMUEL 1 29:1

Intau in Pilistin nosipundon kon bayongan in tontaranea kon Apek, bo intau in Israel in nononḷoḷaigan kon diug in bokaká kon Ḷopá in Yizreel.