YOSUA 17:1 - Alkitab Singog In Mongondow Masa In Tanaa

¹ Tongobotak in butá kon dotá in toyopan kon Ongkag in Yordan inogoi kon tongosilai in motoḷuadí buí i Manasye, adí guya-guyang i Yusup. Ki Makhir, ki amá i Gilead, adí guya-guyang i Manasye. Sin sia in tobatú tontara, dá butá in Gilead bo Basan inta noiukat kon dotá in pomukaan kon Ongkag in Yordan inogoi kon inia.

YOSUA 17:1 ပူးပေါင်းရင်းမြစ်များ

KINOBAḺIAN 41:51

Guman i Yusup, “Pinoḻiongdon i Allah in bayongan rorigaku bo motoḷuadí i amáku.” Tuamai ki adínea inta muna sinangoiannea ki “Manasye”.

KINOBAḺIAN 41:52

Sia in noguman doman, “Ki Allah ain nobogoi kon inakó in adí kon bonu in rorigaku,” bo sinangoianneadon ki adínea induanea tua ki “Epraim”.

KINOBAḺIAN 46:20

Kon Mesir ki Yusup nokouḻí kon doyowa in adí, ki Manasye bo ki Epraim inta pinononggadí i buḷoinea inta ki Asnat in tangoinea, ki adí i Potisaḷaka, inta nobaḻí imang kon Heliopolis.

KINOBAḺIAN 48:17

Diá nosanang gina i Yusup nokoontong kon i amánea nopoukat in ḻimanea koḷanan kon uḷu i Epraim; dá kinadaiannea in ḻima i amánea sin pampingon kon uḷu i Manasye.

KINOBAḺIAN 48:18

Sia in noguman kon i amánea, “Donaai natua, Papa. Naabí in adí guya-guyang; poukatdon in ḻima i Papa koḷanan kon uḷunea.”

KINOBAḺIAN 50:23

Sia in nokooḷat bo nokoontongpa kon i adí bo ompu i Epraim. Ná doman tua ki adí mita i Makhir, inta ki ompu i Manasye sinompianeapamai ná ki adínea tontaní.

SAMUEL 2 2:9

Kon tua binaḻí i Abner in ki Isyboset nobaḻí datu kon butá mita in Gilead, Asyuri, Yizreel, Epraim bo Benyamin, nodapotbí in kon bayongan in Israel.

TAWARIKH 1 2:23

Táe dodatuan in Gesur bo Aram in nonaḷow kon 60 in ḻipú kon butá tatua noitakin doman in ḻipú mita in intau in Yair, ḻipú in Kenat, takin doman ḻipú mita inta mongointok kon diugneamai. Bayongan in intau inta nogutun kon tua in buí i Makhir ki amá i Gilead.

YEHEZKIEL 47:13

Ki Tuhan Inta Totok in moḷantud in noguman, “Naadon in sigad mita in butá inta sinilai kon mopuḷú bodoyowá in suku in Israel. Suku i Yusup in silainea in doyowa notonsilai.

PINOGIAPAN 26:29

Nongkon suku i Manasye: Ki Makhir, adí i Manasye, in ki amá i Gilead; bo inanakan mita moiduduimai naa in buí i Gilead:

PINOGIAPAN 27:1

Ki Zelapehad kogadí kon bobay ḻima, inta ki Mahla, ki Noa, ki Hogla, ki Milka bo ki Tirza. Ki amá i Zelapehad in ki Heper, ki amá i Heper in ki Gilead. Ki amá i Gilead in ki Makhir, ki amá Makhir in ki Manasye, bo ki amá i Manasye in ki Yusup.

PINOGIAPAN 32:33

Bo inogoidon i Musa kon suku mita in Gad bo Ruben bo kon tobotak in suku Manasye in bayongan butá in Sihon, datu in Amori, bo butá in Og, datu in Basan, noitakin doman in kotá mita bo butá kon diugneamai.

ULANGAN 21:17

Sia in mustibí mobogoi in doyowa nosilai nongkon kapunyaannea kon adí ḷoḷaki inta guya-guyang, umpakabí adí tatua deeman ki adí i buḷoinea inta totok in kinotabinea. Hak in adí guya-guyang mustibí akúon i amánea, bo adí tatua in mustibí ogoian in haknea podudui in hukum.”

YOSUA 17:2

Butá kon dotá in toyopan kon Ongkag in Yordan inogoi kon motoḷuadí mita ibanea nongkon buí i Manasye, inta motoḷuadí mita tanaa: ki Abiezer, Helek, Asriel, Sekhem, Heper bo i Semida; tua komintan bui ḷoḷaki nongkon i Manasye ki adí i Yusup. Mosia tua in tongguḷu mita in motoḷuadí.

HAKIM MITA 5:14

Mosia in minayá nongkon Epraim nopobayá in ḷopá, dinumudui kon tontara i Benyamin inta nopipid kon muna monia. Nongkon Makhir namangoidon in panglima mita, bo nongkon Zebulon sinimindogdon in porwira mita.