YOSUA 15:55 - Alkitab Singog In Mongondow Masa In Tanaa

^55-57 Bo mopuḷú doman in kotá noiduduimai noitakin doman in ḻipú mita kon diugnea: Maon, Karmel, Zip, Yuta, Yizreel, Yokdeam, Zanoah, Kain, Gibea bo Timna.

YOSUA 15:55 ပူးပေါင်းရင်းမြစ်များ

DATU MITA IMITÁNEA 18:42

Bo ki Ahab in minayádon nongaan, bo ki Elia in notakod kon tudu in Buḷud in Karmel. Kon tua sinumungkud in sia noidapot in pogotnea kon butá kon sigad in duḷudnea doyowa.

TAWARIKH 1 2:42

Ki Kaleb ki utat i Yerahmeel in kogadí kon adí ḷoḷaki tangoinea in ki Mesa. Sia in adí guya-guyang. Ki Mesa in ki amá i Zip, ki Zip in ki amá i Maresa, ki Maresa in ki amá i Hebron.

TAWARIKH 1 2:45

Ki Samai ki amá i Maon, bo ki Maon in ki amá i Bet-Zur.

TAWARIKH 2 11:8

Gat, Mares, Zip,

TAWARIKH 2 26:10

Sia in noposindog doman in ḷangkeang mita inta dininding kon butá inta kon padang gurun, bo nongaḻi kon nobayong in parigí sin nobayong totok in bobiagonnea, pinomayá kon buḷud andeka kon ḷopá kon dotá in toyopan. Popisí in sia moibog moindoi kon ponononggobá, dá nopotabá in sia nokiaid kon nobayong in intau sinbá monoimbotú kon gobá mita in anggur kon buḷud, bo mononggobá kon butá mita inta mopia.

YESAYA 35:2

Padang gurun in kobiagandon in yagi-yagi, bo mopodondong in dondong mita mosanang. Kogaganea in naonda bo Buḷud in Libanon, koḷoḷumbánea in naonda bo Ḷopá in Karmel bo Saron. Dá bayongan in intau in mokoontongbí kon kawasa i Tuhan, bo kamuliaan i Allah naton.

YOSUA 19:26

Alamelek, Amad bo Misal. Sigad in butá monia kon dotá in toyopan noisigid kon Buḷud in Karmel bo Ongkag in Libnat.

SAMUEL 1 15:12

Nobangon monik doḷo-doḷom, ki Samuel nobuat sin mayá mokipodungkuḷ kon i Saul. Pinotaaudon kon inia kon ki Saul ain minayá kon kotá in Karmel sin moposindog in batu mobaḻí tompoingat kon inia kon tua, bodongka mayá in Gilgal.

SAMUEL 1 23:24

Dá nobuatdon bui in intau mita tatua kon Zip inumuna kon i Saul. Kon dodai intua ki Daud bo intaunea mita in kon padang gurun Maon, kon ḷopá inta noingongow kon butá kon dotá in toḷatan kon padang gurun Yohuda.

SAMUEL 1 23:25

Ki Saul takin tontaranea in namangoi sin motayak kon i Daud, táe oyúon in intau in nopotaau kon i Daud in soaḷ tatua, dá minayá in sia ná buḷud batu kon padang gurun Maon bo nogutun kon tua. Naonda in kinotaauan i Saul intua, ḷagineadon binatuk in ki Daud.

SAMUEL 1 25:2

Kon kotá in Maon oyúon in ḷoḷaki tobatú nongkon inanakan i Kaleb, tangoinea in ki Nabal. Sia tua in kobutá ponombobiagon kon diug in kotá in Karmel. Sia tua in nobiag nooyúon totok bo kodomba 3.000 bo bembé 1.000. Ki Abigail ki buḷoinea, mopandoi bo moḷunat, táe ki Nabal in mokaḷakuang bo moromú in dodianea. Kon singgai tobatú ki Nabal koyogot in monggonsingmai kon bubuḷ in dombanea kon Karmel.

SAMUEL 1 25:7

Dinongogku kon iko in koyogot monggonsing kon bubuḷ in dombamu. Pokotaaudon kon gombalamu mita inta kon butá nami, in diábí kon dodai in onda in sinuyayow nami, bo diápabí doman kon dodai onda in mosia in kinobuḻian in onuka kon dodai in mosia kon Karmel.