YOSUA 15:47 - Alkitab Singog In Mongondow Masa In Tanaa

⁴⁷ Ná doman tua in Asdod bo Gaza takin kotá mita mointok bo ḻipúnea mita inta noibaya-bayá mako nodapot kon diug in tapá kon pinosigadan in Mesir bo pintad in Dagat Toyuak.

YOSUA 15:47 ပူးပေါင်းရင်းမြစ်များ

DATU MITA IMITÁNEA 5:4

Táe tanaa in ki Tuhan Allahku ain nobogoi in kobiagan notompia kon bayongan in butá inta kon bonu in kawasaku. Bo diá bidon in musungku, bo diá doman in bodito in noiuma kon butáku.

DATU MITA 2 18:8

Sinaḷownea in intau in Pilistin, bo nogagow kon tampat pinogutunan monia, nongkon ḻipú inta mointok noidapot in kotá inta totok in moḷoben, noitakin doman in Gaza bo butá mita inta kon diugneamai.

TAWARIKH 2 26:6

Ki Uzia in noparang nonayow kon intau in Pilistin. Sia in norumbun kon dinding mita in kotá in Gad, Yabne, bo Asdod, bo noposindog in kotá mita inta dininding kon diug in Asdod bo kon butá ibanea kon Pilistin.

IḶUAIAN 23:31

Sigad mita in butámu in tantúon-Kudon nongkon Teluk Akaba modapot kon Ongkag in Eprat, bo nongkon Dagat Toyuak modapot kon padang gurun. Moiko ogoian-Ku in kawasa mongawasa kon intau mita inta nogutun kon butá tatua, modapot in mosia kountunandon monimu kon dodai in moiko mayá mogagow kon butá tatua.

YEREMIA 47:1

Kon dodai in datu in Mesir diápa nonubu kon Gaza, ki Tuhan in nogumandon kon inakó soaḷ butá in Pilistin.

YEREMIA 47:5

Intau in Gaza kinoantugan in robonoḷ in gina moḷoben; intau inta kon Askelon in kibio-biómaidon. Modapot in toonu intau in Pilistin inta oyúonpa umuran mononogumatoi?

ZEPANYA 2:4

Kon kotá in Gaza diá in tobatúmai in intau in posaḷamaton. Askelon in moingongowdon diádon in mogogutunnea. Intau in Asdod in poguntunon kon wakutu in daḻíon tubuon kon dodai in moutu in singgai bo intau in Ekron in potabá mayá nongkon kotá monia.

OUMAN IN RASUL MITA 8:26

Tobatú malaekat i Tuhan in noguman kon i Pilipus nanaa, “Pobuatdon! Bayádon kon dotá in toḷatan daḷan mongin Yerusalem mopobayá in Gaza.” Moingongow totok in daḷan tatua.

ULANGAN 2:23

Butá kon kino ouput in pintad in Dagat Toyuak iḻitúan in intau mita nongkon pulau Kreta. Mosia ain noyompat kon intau in Awi, intau inta muna-munamai nogutun kon butá tatua, bo dongka iḻimitú kon butá tatua nodapot in toḷatan kinoyoyayúbí in kotá in Gaza.)

YOSUA 11:22

Diá in tobatúmai in nongkon bangusa in Enak tatua in sinonggagatan kon butá in Israel, tongádon kon Gaza, Gad, bo kon Asdod in oyúonpa.

YOSUA 13:3

bo bayongan butá in Awi nopobayá; ná toḷatan. (Butá inta nongkon Ongkag in Sikhor kon pinosigadan in Mesir nodapot kon pinosigadan in Ekron kon dotá in utuan, tua komintan in noituot kon butá in bangusa Kanaan; bo datu mita in Pilistin nogutun kon Gaza, Asdod, Askelon, Gat bo Ekron.)

YOSUA 15:4

Nongkon tua minayá doman ná Azmon, bo notaḷug kon tapá kon pinosigadan in Mesir, onda intua nodapot kon Dagat Toyuak. Tuata in sigad kon dotá in toḷatan butá inta inogoi kon suku in Yohuda. Bo sigad doman tatua inta nobaḻí sigad kon dotá in toḷatan in bayongan butá in Israel.

YOSUA 15:46

takin bayongan in kotá bo ḻipú mita kon diug in Asdod, nongkon Ekron nodapot kon Dagat Toyuak.

YOSUA 15:48

Kon butá kon buḷud in mopuḷú bomitá in kotá bo ḻipú mita kon diugneamai: Samir, Yatir, Sokho, Dana, Kiryat-Sana (inta Debir), Anab, Estemoa, Anim, Gosyen, Holon bo Gilo.