YOSUA 15:21 - Alkitab Singog In Mongondow Masa In Tanaa

^21-32 Kotá mita inta totok in moyayú kon dotá in toḷatan, inta nobaḻí kapunyaan i Yohuda, tuata inta noiukat kon pinosigadan in Edom, tua komintan doyowa nopuḷú bo siow in kotá, noituot domandon in ḻipú mita inta kon diugneamai. Kotá mita tatua in: Kabzeel, Eder, Yagur, Kina, Dimona, Adada, Kedes, Hazor, Yitnan, Zip, Telem, Bealot, Hazor-Hadata, Keriot-Hezron (tuata in Hazor), Amam, Sema, Molada, Hazar-Gada, Hesmon, Bet-Pelet, Hazar-Sual, Bersyeba, Baala, Iyim, Ezem, Eltolad, Khesil, Horma, Ziklag, Madmana, Sansana, Lebaot, Silhim, Ain bo Rimon.

YOSUA 15:21 ပူးပေါင်းရင်းမြစ်များ

KINOBAḺIAN 35:21

Nopaḷut mako kon tua ki Yakub nongingguputdon kon bobayáannea, bo noposindog in ḷoḷaigannea kon tampat tobatú kon ḻimakomai in ḷangkeang Eder.

SAMUEL 2 23:20

Porwira tobatú inta ponango-nangoian ibanea in ki Benaya adí i Yoyada intau in Kabzeel. Totok in sia mobarani. Intau doyowa inta totok in mobarani nongkon Moab iḻimodnea. Nokoimontandon in kon dodai in singgai oyúon in oḷú inta mokompo-kompoḷ, sinumuot in sia kon bubú tobatú, bo noḻimod kon singa tobatú kon tua.

TAWARIKH 1 4:28

Nodapot kon i Datu Daud, buí i Simeon in nogutun kon kotá mita tanaa: Bersyeba, Molada, Hazar-Sual,

NEHEMIA 11:25

Nobayong in kon sigad in rayat in nogutun kon kotá mita inta noyodiug in gobá mita monia. Tongonumai in intau nongkon suku in Yohuda in nogutun kon butá inta kon sigad in Bersyeba kon dotá in toḷatan bo Ḷopá in Hinom kon dotá in utuan. Mosia in nogutun kon kotá mita inta noiduduimai naa bo kon ḻipú mita inta kon diugneamai: Kiryat-Arba, kon Dibon, Yekabzeel Yesua, Molada, Bet-Pelet Hazar-Sual, Bersyeba Ziklag, Mekhona En-Rimon, Zora, Yarmut, Zanoah, Adulam, Azeka, Lakhis.

MARKUS 3:8

nongkon Yerusalem, nongkon butá Idumea, nongkon dotá in pomukaan kon Yordan, bo nongkon butá in Tirus bo Sidon. Mosia komintan in namangoi kon i Yesus, sin kinodongogandon monia in bayongan inta inaidan-Nea.

YOSUA 15:20

Noiduduimai naa in butá inta inogoi kon motoḷuadí mita inta kon bonu in suku Yohuda sin mobaḻí kapunyaan monia.

YOSUA 19:1

Pinosilaian nogindua tuata in butá mita inta motoḷuadí mita inta kon bonu in suku i Simeon. Sigad in butá monia sinumuot nodapot kon bonu in sigad in butá kapunyaan in suku Yohuda.