YOSUA 15:17 - Alkitab Singog In Mongondow Masa In Tanaa

¹⁷ Ki Otniel, adí i Kenas inta ki utat i Kaleb, nogagow kon butá tatua; dá inogoi i Kaleb in ki Akhsa pinobuḷoi i Otniel.

YOSUA 15:17 ပူးပေါင်းရင်းမြစ်များ

TAWARIKH 1 2:49

Onda intua mosia in nokouḻí bui kon adí ḷoḷaki tangoinea in ki Saap bo ki Sewa. Ki Saap in inta noposindog in kotá in Madmana, bo ki Sewa in inta noposindog in kotá in Makhbena bo Gibea. Ki Kaleb in kogadí doman kon adí bobay tangoinea in ki Akhsa.

TAWARIKH 1 4:13

Ki Kenas in kogadí kon ḷoḷaki taya dua inta ki Otniel bo ki Seraya. Ki Otniel in kogadí doman kon ḷoḷaki doyowa, inta ki Hatat bo ki Meonotai.

PINOGIAPAN 32:12

Bayongan intau kinotugatan in hukuman koḻikudon in ki Kaleb adí i Yepuni, intau in Kenas, bo ki Yosua adí i Nun, sin taya dua in umuran motoḷutui kon i Tuhan.

YOSUA 14:6

Kon singgai tobatú intau mita nongkon suku Yohuda namangoi kon i Yosua kon Gilgal. Intau tobatú nongkon sigad monia inta ki Kaleb adí i Yepune intau in Kenas, in noguman, “Yosua! Iko in nonotaaubí kon onu in pinoguman i Tuhan kon i Musa, totabá i Allah tua, kon Kades-Barnea soaḷ iko bo akuoi.

YOSUA 15:16

Guman i Kaleb, “Ki ine in mokoagow kon Kiryat-Seper, sia in motaau motonibuḷoi i Akhsa inta adíku bobay.”

HAKIM MITA 1:13

Ki Otniel, adí i Kenas inta ki ai-ai i Kaleb, nokoagow kon kotá tatua. Dá inogoidon i Kaleb in ki Akhsa, ki adínea, pinobuḷoi i Otniel.

HAKIM MITA 3:11

Dá nobiagdon noaman bo notompia in butá tatua kon bonu in opat nopuḷú notaong in koonggotnea. Onda intua minatoidon in ki Otniel.

HAKIM MITA 3:9

Onda intua umat in Israel nokuani nokituḷung kon i Tuhan, bo inogoi i Tuhan in ki Otniel sin mopoḷuat kon i monia. (Ki Otniel ki adí i Kenas, inta ki ai-ai i Kaleb.)