YOSUA 15:13 - Alkitab Singog In Mongondow Masa In Tanaa

¹³ Podudui in parenta i Tuhan kon i Yosua, tongosilai in butá i Yohuda ogoi kon i Kaleb adí i Yepune nongkon suku in Yohuda. Inogoi kon inia in Hebron, kotá inta kapunyaan i Arba, ki amá i Enak.

YOSUA 15:13 ပူးပေါင်းရင်းမြစ်များ

KINOBAḺIAN 13:18

Onda intua ki Abram nomamping kon ḷoḷaigannea bodongka nogutun notantú kon diug in pangkoi in kayu mita karamat tampat pososumbaan kon Mamre kon diug in Hebron, bo kon tua sia in noposindog in Mezbah kon i Tuhan.

KINOBAḺIAN 23:2

sia in minatoi kon Hebron kon butá in Kanaan. Norobonoḷ totok in gina i Abraham kinopatoian i buḷoinea tua, sia in nongombaḷ.

SAMUEL 2 2:1

Nopaḷut mako kon tua ki Daud in noḻibó kon i Tuhan, “Tuhan degá ogoi-Mu in akuoi mayá mongawasa kon kotá tobatú in kotá kon Yohuda?” “Oo,” tubag i Tuhan. “Kotá inta táonda?” noḻibó in ki Daud. “Hebron,” tubag i Tuhan.

TAWARIKH 1 6:56

Táe gobá mita bo ḻipú mita kon butá inta kon diug in kotá tatua in inogoi kon i Kaleb ki adí i Yepune.

TAWARIKH 2 11:10

Zora, Ayalon bo Hebron.

PINOGIAPAN 13:30

Táe pinoonow i Kaleb in gina in intau mita inta kon tayowon i Musa. Guman i Kaleb, “Butá tatua musti tubuon naton bo agowon naton tanaa domandon mako, sin tugat bidon in intau naton monaḷow kon i monia.”

YOSUA 11:21

Kon tungkuḷ doman intua ki Yosua minayá noyopú kon bangusa in Enak, bangusa inta intaunea in mongoḷoben bo moitoi inta nogutun kon buḷud – kon Hebron, Debir, Anab, bo kon bayongan in buḷud in Yohuda bo Israel. Mosia iḻimod komintan i Yosua, bo kotá mita monia in pinayong.

YOSUA 20:7

Dá kon butá kon dotá in toyopan kon Ongkag in Yordan umat in Israel in nonantúdon kon kotá mita noiduduimai naa nobaḻí kotá pogogadopan: Kedes kon buḷud in Naptali kon Galilea, Sikhem kon buḷud in Epraim, bo Hebron kon buḷud in Yohuda.

HAKIM MITA 1:10

bo kon kotá in Hebron, kotá inta dungkuḷmai sinangoian Kiryat-Arba. Kon tua intau in Yohuda nonaḷow kon inanakan in Sesai, Ahiman bo Talmai.

HAKIM MITA 1:20

Ná inta ain pinarenta i Musa, Hebron inogoi kon i Kaleb, sin koḻipod in toḷu nogolongan in inanakan buí i Enak in inuntundon i Kaleb nongkon kotá tatua.

SAMUEL 1 30:14

Kami ain nonubu kon butá in intau in Kreti kon dotá in toḷatan in Yohuda bo butá in inanakan i Kaleb, bo kami ain nonurub kon bayongan kotá in Ziklag.”