YOSUA 15:11 - Alkitab Singog In Mongondow Masa In Tanaa

¹¹ Nongkon Timna, sigad tatua nopobayá ná dotá in utuan kon Buḷud in Ekron, bodongka nomurow nopobayá ná Sikron, noitaḻib kon Buḷud in Baala, bo nopobayá ná Yabneel, bo sinimpod kon Dagat Toyuak,

YOSUA 15:11 ပူးပေါင်းရင်းမြစ်များ

DATU MITA 2 1:16

Bo ki Elia in noguman kon i datu, “Ki Tuhan in noguman, ‘Iko in nopotabá in intau nopoigum in topotundú kon i Baal-Zebub dewa in kotá in Ekron naonda bo kon Israel in diá in Allah inta motaau poḻibóan. Tuamai iko in diábí mopia, iko in matoibí!’ ”

DATU MITA 2 1:6

Mosia in notubag, “Ḷoḷaki tobatú in namangoi nokipodungkuḷ kon inami, bo nopotabá kon inami nobui sin mopotaau kon i Tuang Datu nanaa, ‘Eta degá diá in kon Israel in Allah, nodapot in iko mopotabá mopoigum in totundú kon i Baal-Zebub, dewa in kotá in Ekron? Iko in diábí mopia, matoibí in iko!’ ”

TAWARIKH 2 26:6

Ki Uzia in noparang nonayow kon intau in Pilistin. Sia in norumbun kon dinding mita in kotá in Gad, Yabne, bo Asdod, bo noposindog in kotá mita inta dininding kon diug in Asdod bo kon butá ibanea kon Pilistin.

PINOGIAPAN 34:6

Dagat Toyuak in nobaḻí sigad in butámu kon dotá in toyopan.

YOSUA 15:10

bo noḻibu kon dotá in toyopan Baala nopobayá ná Buḷud in Edom, bo minayá ná dotá in utuan Buḷud in Yearim (tuata in Buḷud in Kesalon), bo noponag kon Bet-Semes, onda intua minayá ná Timna.

YOSUA 15:12

inta nobaḻí botok tonsigad kon dotá in toyopan kon butá in suku Yohuda. Butá tatua in pinogutunan in intau mita inta nongkon motoḷuadí mita kon bonu in suku Yohuda.

YOSUA 15:45

Bo Ekron takin kotá mita mointok bo ḻipúnea mita,

YOSUA 15:9

onda intua minayá ná bokaká in tubig Me-Neptoah, nodapot kon kotá mita inta kon diug in Buḷud Epron. Nongkon tua in sigad in butá tatua nomurow ná Baala (inta Kiryat-Yearim),

HAKIM MITA 1:18

Ki Tuhan notuḷung kon intua in Yohuda dá kinoagowan monia in butá kon buḷud. Táe diá kinoagowan monia in Gaza, Askelon ande Ekron bo butá mita kon diugneamai, sin bangusa mita inta nogutun kon bingkí mita in tubig oyúon in kereta mita in parang inta pinomia nongkon uatoi; tuamai intau mita in Yohuda in diá nokopoguntun kon i monia.

SAMUEL 1 17:52

Intau mita in Israel bo Yohuda norogiowdon bo nondudur kon intau mita in Pilistin nodapot in Gat bo ngara moḷoben in Ekron. Intau mita in Pilistin inta kinekeban moyo-moyoguntuḷ in kon daḷan mopobayá in Saaraim tua.

SAMUEL 1 5:10

Bo Poti Dodandian tatua inatod kon Ekron, kotá in Pilistin ibanea doman. Naonda in yaput in kotá tatua in poti tatua, intau mita kon tua nomaḷú kai monia, “Poti Dodandian i Allah in Israel dinia mangoi kon naa sin moḻimod kon i naton komintan.”

SAMUEL 1 5:8

Tuamai in nogoiní in mosia kon datu in Pilistin taya ḻima sin moyosipun, bo noḻibó, “Onuon naton in Poti Dodandian i Allah in Israel tatua?” Tubag in datu mita tatua, “Pampingdon kon kotá in Gat.” Dá, poti tatua pinampingdon kon kotá in Gat, kotá tobatú ibanea kon Pilistin.

SAMUEL 1 7:14

Bayongan in kotá in Israel inta ain pinotungkud in intau in Pilistin, pinangkoi kon Ekron nodapot kon Gat, pinobuidon kon Israel. Dá nouḻídon bui in Israel in bayongan butánea. Intau in Israel bo intau in Amori nobiagdon nodame.