YOSUA 15:10 - Alkitab Singog In Mongondow Masa In Tanaa

¹⁰ bo noḻibu kon dotá in toyopan Baala nopobayá ná Buḷud in Edom, bo minayá ná dotá in utuan Buḷud in Yearim (tuata in Buḷud in Kesalon), bo noponag kon Bet-Semes, onda intua minayá ná Timna.

YOSUA 15:10 ပူးပေါင်းရင်းမြစ်များ

SAMUEL 2 6:2

Mosia in dinianea nopobayá ná Baale-Yohuda, sin mayá intua mogamá kon Poti Dodandian inta dinonoi takin tangoi i Tuhan Inta Totok in Mokawasa inta nongawasa kon ḻimonik in kerub mita.

DATU MITA 2 14:11

Táe ki Amazia datu in Yohuda in diábí nopandungmai kon tosingogon mita i Yoas datu in Israel. Tuamai, ki Datu Yoas takin intaunea mita in nobuat bo minayá in Bet-Semes kon Yohuda bo noparang takin i Amazia kon tua.

TAWARIKH 2 28:18

Kon tungkuḷ intua intau mita in Pilistin koyogot in monubu kon kotá mita kon butá mita inta kon sipangkoion in buḷud kon dotá in toyopan, bo kon butá mita inta kon dotá in toḷatan in Yohuda. Mosia in nogagow kon kotá in Bet-Semes, Ayalon, bo Gederot, takin kotá in Sokho, in Timna, bo Gomzo noitakin doman in ḻipú mita kon diugmai in kotá toḷu tatua, bo nogutundon notantú kon tua.

YOSUA 15:11

Nongkon Timna, sigad tatua nopobayá ná dotá in utuan kon Buḷud in Ekron, bodongka nomurow nopobayá ná Sikron, noitaḻib kon Buḷud in Baala, bo nopobayá ná Yabneel, bo sinimpod kon Dagat Toyuak,

YOSUA 19:38

Yiron, Migdal-El, Horem, Bet-Anat, bo Bet-Semes. Kobayong in butá monia tua in mopuḷú bo siow in kotá takin ḻipú mita inta kon diugneamai.

HAKIM MITA 14:1

Kon singgai tobatú ki Simson minayá in Timna, bo nokoontong kon mongodeaga tobatú intau in Pilistin kon tua.

HAKIM MITA 14:5

Dá minayádon in ki Simson in Timna noyotakin in guranganea. Kon dodai in mosia noitaḻib kon gobá in anggur, ki Simson noyodungkuḷ in singa batánea tobatú. Singa tatua noganggor,

SAMUEL 1 6:9

Tarukiradon in bobayánea; aka Poti Dodandian tatua diaan pobayá ná butánea tontaní, inta kon kotá in Bet-Semes, tua in mangaḻenea kon ki Allahdon in intau Israel inta ain nopouma in bodito inta motoyang tatua kon i naton. Táe aka roda tatua diá nopobayá ná tua, dá kotaauandon naton kon bodito tatua in deemanbí nongkon i Allah in Israel, táe tongábí noikoḷatmai natua.”