YOSUA 14:8 - Alkitab Singog In Mongondow Masa In Tanaa

⁸ Intau mita inta minayá takinku, in nopomukádon in ondok kon intau mita in Israel. Tongá akuoi in umuranbí notoindudui kon i Tuhan Allahku.

YOSUA 14:8 ပူးပေါင်းရင်းမြစ်များ

PINOGIAPAN 13:31

Táe intau mita inta nobui mangoi takin i Kaleb tatua noguman, “Diá, kita diá mokosanggup in monubu kon i monia. Intau mita kon butá tatua in moropo-ropot nongkon inaton.”

PINOGIAPAN 14:1

Kinoouputbí in doḷom intau in Israel momaḷú bo kopia mongombaḷ.

PINOGIAPAN 14:24

Táe tua in diábí poaid-Ku kon bobantung-Ku ki Kaleb. Sia in umuran mosatia kon i-Nakó. Tuamai in diaan-Ku in sia mayá in butá inta ain sinuotannea. Tanaa intau in Amalek bo intau in Kanaan nogutun kon ḷopá tatua. Táe butá tatua in mobaḻíbí kapunyaan in buí i Kaleb, bobantung-Ku tua. Ikoḷom moiko musti momurow bo mayá in padang gurun mopobayá ná Teluk Akaba.”

PINOGIAPAN 32:12

Bayongan intau kinotugatan in hukuman koḻikudon in ki Kaleb adí i Yepuni, intau in Kenas, bo ki Yosua adí i Nun, sin taya dua in umuran motoḷutui kon i Tuhan.

ULANGAN 1:28

Dá onubí in mangaḻenea in bayáan naton intua? Intau mita inta pinotabá naton minayá intua nopogogondok doman kon i naton takin noguman kon bangusa tatua in moropo-ropot bo motori-torindog nongkon i naton, bo mosia in nogutun doman kon kotá mita inta tondoknea ná koḷantud in ḷangit. Mosia noguman doman kon nokoontong kon tuyá kon tua!’

ULANGAN 1:36

Tongá ki Kaleb, adí i Yepune in tumuot kon tua, sin sia in umuran motoindudui kon i-Nakó. Ki Kaleb bo buínea in pobogoian-Ku kon butá inta ain dinondaḷoinea tatua.’

YOSUA 14:14

Dapot in tanaa mako kotá tatua umuranpabí nobaḻí kapunyaan budel in buí i Kaleb adí i Yepune, intau in Kenas tatua, sin sia in notoḷutui bo notoindudui kon i Tuhan, Allah in Israel.

WAHYU 14:4

Mosia tua intau inta umuran nodarit naonda bo porawan, sin mosia in diábí mosiug takin bobay. Mosia in umuran dumudui magí-mako kon i Adí in Domba kon ondakabí in bayáan-Nea. Mosia in sinobutdon nongkon sigad in intau mita. Mosia tuata inta ain pinobebas bo inogoi saḷaku sosumba inta muna kon i Allah bo kon i Adí in Domba tatua.