YOSUA 13:8 - Alkitab Singog In Mongondow Masa In Tanaa

⁸ Suku in Ruben, i Gad bo tongobotak in suku Manasye ain notarima kon butá tonsilai monia nongkon i Musa, mogogundoi i Tuhan tua; tuata in butá inta kon dotá in pomukaan kon Ongkag in Yordan.

YOSUA 13:8 ပူးပေါင်းရင်းမြစ်များ

PINOGIAPAN 32:19

Kami in doíbí motarima kon topiḻikmai nongkon butá monia inta kon ḷoḷan Ongkag in Yordan, sin kami ain notarima kon tonsilai nami kon naa, kon dotá in pomukaan kon Ongkag in Yordan.”

ULANGAN 3:8

Kon dodai intua ginamá naton nongkon datu in Amori doyowa tatua in butá kon dotá in pomukaan kon Ongkag in Yordan bo Ongkag in Arnon nodapot kon Buḷud in Hermon. (

YOSUA 12:1

Butá inta kon dotá in pomukaan kon Yordan, nongkon Ḷopá in Ongkag Arnon bo notakod monik kon Ḷopá in Yordan nodapot kon nouput in Buḷud in Hermon kon dotá in utuan, aindon inagow bo iḻitúan in intau Israel. Doyowa in datu in sinaḷow monia.

YOSUA 12:6

Tuata in datu doyowa inta sinaḷow i Musa bo in intau in Israel. Butá in datu mita tatua inogoi i Musa, mogogundoi i Tuhan, kon suku i Ruben, Gad, bo tongobotak in suku Manasye, sin mobaḻí butá kapunyaan monia.

YOSUA 13:7

Dá, tanaa in sila-silaidon in butá tatua kon suku in bangusa Israel inta siow, bo kon tongobotak in suku in Manasye, sinbá tua in mobaḻídon kapunyaan monia.”

YOSUA 13:9

Butá monia tua in nongkon Aroër (kon bingkí in Ḷopá in Ongkag in Arnon), bo kotá inta kon yua-yuak in ḷopá tatua. Bo bayongan in butá rata moḷantud nongkon Medeba nodapot kon Dibon

YOSUA 22:4

Dá podudui in dandi-Nea, ki Tuhan Allahmu ain nobogoi in kobiagan notompia kon i utatmu mita, intau in Israel ibanea. Dá, pobuidon in tanaa mako kon butámu tontaní kon dotá in pomukaan kon Ongkag in Yordan tatua inta inogoi i Musa kon inimu koḻipod.

YOSUA 4:12

Podudui kon inta pinarenta i Musa, pojuang mita nongkon suku i Ruben, i Gad bo tongosilai in suku Manasye, munadon iḷumoḷan kon ongkag.

SAMUEL 1 13:7

oyúon doman in iḷumoḷan kon Ongkag in Yordan bo minayá in butá in Gad bo Gilead. Ki Saul in kon Gilgalpa, bo rayat inta dinumudui kon inia in urotdon mako sin moondok.