YOSUA 13:31 - Alkitab Singog In Mongondow Masa In Tanaa

³¹ Bo noitakin doman in tongosilai in butá in Gilead, bo Asytarot bo Edrei, inta ibukotá doyowa in butá kawasa i Datu Og kon Basan. Bayongan in butá tatua inogoi kon tongosilai in motoḷuadí mita buí i Makhir, adí i Manasye.

YOSUA 13:31 ပူးပေါင်းရင်းမြစ်များ

TAWARIKH 1 6:71

Motoḷuadí mita in inanakan i Gerson in nokouḻí kon ḻipú mita noiduduimai naa takin rawang mita in bonok kon diugneamai: Kon butá in suku Manasye, kon dotá in pomukaan kon Ongkag in Yordan: Golan kon Basan bo Asytarot.

MAZMUR 60:7

Posaḷamatdon in kami in kawasa-Mu, tubagaidon in sambayang nami, sinbá intau mita inta kinotabi-Mu in posaḷamaton.

YOSUA 12:4

Datu ibanea inta sinaḷow in intau in Israel in ki Datu Og nongkon butá in Basan, inta noiḻitú kon Asytarot bo Edrei. Sia in intau tobatú inta ki agat in bangusa Repaim.

YOSUA 13:12

Butá monia tua in nongkon butá kinawasa i Datu Og, intau in Repaim pangabisan inta nomarenta kon Asytarot bo Edrei. Ki Musa in nonaḷowdon kon bangusa mita tatua bo nopoguntun kon i monia iḻumuai nongkon butá monia.

YOSUA 13:32

Natuata in pinososilai i Musa kon butá kon dotá in pomukaan kon Yerikho, inta kon ḷoḷan Ongkag in Yordan, kon tungkuḷ in sia kon rata moompá in Moab.

YOSUA 17:5

Dá, deemanbí tongá buí inta ḷoḷaki nongkon i Manasye in nokouḻí kon tonsilai butá, táe buíneabí doman inta bobay. Tuamai in nongonu sin suku i Manasye inogoian in mopuḷú notonsilai, koḻikud in butá in Gilead bo Basan kon dotá in pomukaan kon Ongkag in Yordan. Butá in Gilead inogoi kon buí i Manasye ibanea.

YOSUA 9:10

bo onu inta pinomia-Nea kon i datu in intau in Amori doyowa kon dotá in pomukaan kon Yordan, inta ki Sihon datu in Hesybon bo ki Og datu in Basan inta nogutun kon Asytarot.

HAKIM MITA 10:6

Umat in Israel buidon nomia kon dosa kon i Tuhan. Mosia in diádon noindoimai kon i Tuhan bo doí domandon nosumba kon i Tuhan. Mosia in nosumbadon kon dewa mita i Baal bo Asytoret, bo dewa doman in bangusa in Siria, Sidon, Moab, Amon bo Pilistin.

HAKIM MITA 5:17

Koyogotpa in ki Zebulon bo ki Naptali noparang kon tampat pinoparangan, suku i Dan in tongábí simindog mako kon diug in kapaḷ, bo suku i Gad in umuranbí tongá mogutun mako kon dotá in pomukaan kon Yordan, bo suku i Asyer in tongábí doman umuran kibio-biómai, doíbí momamping nongkon tampat pinogutunan monia kon pintad.

SAMUEL 1 12:10

Onda intua mosia nosambayang kon i Tuhan nongaku kon dosa monia; guman monia, ‘Kami aindon binaradosa sin nonoḻikudon kon ini-Mu, oo Tuhan, bo nosumba kon patong mita i Dewa Baal bo i Asytoret. Táe, tanaa in posaḷamatdon in kami nongkon musung nami, dá kami in mogundoidon kon ini-Mu!’

SAMUEL 1 7:3

Bo nogumandon in ki Samuel kon umat in Israel, “Aka moiko moibogdon mobui mangoi kon i Tuhan bo mosumba kon i-Nia takin ḻimbatú in ginamu, yo mustibí ḷumbúon monimu in bayongan dewa ibanea bo patong i Dewi Asytoret. Totu-totuudon posarakai in awakmu kon i Tuhan bo tongádon pooibada kon i-Nia, dá moiko in poḷuaton-Neadon nongkon intau in Pilistin.”