YOSUA 13:30 - Alkitab Singog In Mongondow Masa In Tanaa

³⁰ Sigad mita in butá monia nodapot kon Mahanaim, noituot doman in bayongan in Basan – tuata in bayongan butá inta kinawasa i Og, datu in Basan, bo ḻipú mita in Yair kon Basan inta onom nopuḷú.

YOSUA 13:30 ပူးပေါင်းရင်းမြစ်များ

KINOBAḺIAN 32:3

Nopaḷut mako kon tua ki Yakub nopotabá kon tongonumai in totabá minayá inumuna kon inia minayá in butá Edom sin mokipodungkuḷ kon i Esau, ki guya-guyangnea.

PINOGIAPAN 21:33

Nopaḷut mako kon tua intau mita in Israel nomurow bo nongin daḷan nopobayá in Basan. Datu in Og nongkon Basan minayá takin tontaranea sin monubu kon intau mita in Israel kon kotá in Edrei.

ULANGAN 3:10

Ginamá naton in bayongan butá i Datu Og nongkon Basan: kotánea mita kon buḷud, butá in Gilead bo Basan, bo minayá ná pomukaan kinoyoyayú in kotá in Salkha bo Edrei.” (

ULANGAN 3:4

Kon tungkuḷ intua kinoagowan naton komintan in kotánea, diá tobatúmai in kinotaḻiban. Onom nopuḷú in kobayong in kotá inta inagow naton kon bayongan butá in Argob, inta pinarenta i Datu Og nongkon Basan.

YOSUA 13:26

butá nongkon Hesybon nodapot kon Ramat-Mizpa bo Betonim, bo butá nongkon Mahanaim nodapot kon pinosigadan in Lodebar, tua komintan in noituot doman in butá kon suku in Gad.

YOSUA 13:29

Tongobotak nongkon butá inta pinodandi i Tuhan kon umat in Israel tua inogoi domandon i Musa kon motoḷuadí mita inta kon bonu in tongobotak in suku Manasye sin mobaḻí kapunyaan monia.