YOSUA 13:29 - Alkitab Singog In Mongondow Masa In Tanaa

²⁹ Tongobotak nongkon butá inta pinodandi i Tuhan kon umat in Israel tua inogoi domandon i Musa kon motoḷuadí mita inta kon bonu in tongobotak in suku Manasye sin mobaḻí kapunyaan monia.

YOSUA 13:29 ပူးပေါင်းရင်းမြစ်များ

TAWARIKH 1 5:23

Tongosilai in suku Manasye in nogutun kon butá in Basan nodapot kon utuan kino ouput in Baal-Hermon, Senir bo Buḷud in Hermon. Koonggot-koonggot kobayong-kobayong in mosia.

PINOGIAPAN 32:22

modapot in intau mita kon butá tatua motoguondokdon kon i-Nia, dá moiko in motaaudon mobui, bo moiḷuatdon nongkon kowajiban monimu kon i Tuhan bo kon i utat mita monimu, bo ogoidon i Tuhan in butá inta kon dotá in pomukaan tanaa mobaḻí kapunyaanmu.

PINOGIAPAN 32:40

Tuamai ki Musa nobogoi in butá in Gilead tatua kon inanakan in Makhir, bo mosia nogutundon notantú kon tua.

ULANGAN 3:13

Kon tongo botak in suku Manasye inogoianku in kiagat in butá in Gilead, bo pinotakin doman in butá in Basan inta perna sinonggata in Og, tuata in bayongan wilayah Argob.” (Basan in kinotaauanbí saḷaku butá intau in Repaim.

YOSUA 13:28

Tuata in kotá mita bo ḻipú mita inta inogoi kon motoḷuadí mita kon bonu in suku in Gad sin mobaḻí butá kapunyaan monia.

YOSUA 13:30

Sigad mita in butá monia nodapot kon Mahanaim, noituot doman in bayongan in Basan – tuata in bayongan butá inta kinawasa i Og, datu in Basan, bo ḻipú mita in Yair kon Basan inta onom nopuḷú.

YOSUA 17:5

Dá, deemanbí tongá buí inta ḷoḷaki nongkon i Manasye in nokouḻí kon tonsilai butá, táe buíneabí doman inta bobay. Tuamai in nongonu sin suku i Manasye inogoian in mopuḷú notonsilai, koḻikud in butá in Gilead bo Basan kon dotá in pomukaan kon Ongkag in Yordan. Butá in Gilead inogoi kon buí i Manasye ibanea.