YOSUA 13:26 - Alkitab Singog In Mongondow Masa In Tanaa

²⁶ butá nongkon Hesybon nodapot kon Ramat-Mizpa bo Betonim, bo butá nongkon Mahanaim nodapot kon pinosigadan in Lodebar, tua komintan in noituot doman in butá kon suku in Gad.

YOSUA 13:26 ပူးပေါင်းရင်းမြစ်များ

KINOBAḺIAN 31:49

Ki Laban in noguman doman, “Poigumon mako ki Tuhan umuran moindoi kon i naton kon bonu in kita mobiag moyogiyayúan.” Tuamai tampat tatua sinangoiandon Mizpa.

SAMUEL 2 17:27

Naonda in ki Daud noidapot kon Mahanaim, sinontomu in sia i Sobi adí i Nahas nongkon kotá in Raba kon Amon, bo i Makhir adí i Amiel nongkon Lodebar, bo i Barzilai nongkon Rogelim kon Gilead.

SAMUEL 2 2:8

Itoi in tontara i Saul, inta ki Abner adí i Ner, ain noḷagui noyotakin i Isyboset ki adí i Saul, noḷagui minayá in Mahanaim kon ḷoḷan in Ongkag in Yordan.

DATU MITA IMITÁNEA 22:3

Munadon in ki Ahab noguman kon porwiranea mita, “Kinotaauandon monimu kon kotá in Ramot kon Gilead tua in kitabí in kitogi! Nongonu sin diábí bui agowon naton nongkon i datu in Siria?”

YOSUA 13:25

Butá monia tua in nongkon Yaezer bo bayongan kotá in Gilead bo tongobotak nongkon butá in bangusa in Amon nodapot kon kinoouput in Aroër kon dotá in pomukaan Raba;

YOSUA 13:27

Kon Ḷopá in Yordan, butá in suku Gad tatua nongkon Bet-Haram, Bet-Nimra, Sukot, bo Zapon, inta ki agat in butá inta kinawasa in Datu Sihon kon Hesybon. Pinosigadan kon dotá in toyopan kon butá in suku Gad tatua in Ongkag in Yordan nodapot in Danow Galilea kon dotá in utuan.

YOSUA 20:8

Kon butá kon dotá in pomukaan kon Ongkag in Yordan kon rata moḷantud kon padang gurun kon dotá in pomukaan kon Yerikho, mosia in nonantúdon kon kotá mita noiduduimai naa nobaḻí kotá pogogadopan: kotá in Bezer kon butá i Ruben, kotá in Ramot kon Gilead butá i Gad, bo kotá in Golan kon Basan, butá i Manasye.

HAKIM MITA 10:17

Kon dodai intua tontara in Amon nosadiadon sin mayá moparang. Mosia in nononḷoḷaigan kon Gilead.

HAKIM MITA 11:11

Dá nobuatdon in ki Yepta noyotakin in intau mita inta sinongguyanga kon Gilead. Bo sia in binaḻídon in intau mita in Gilead pongawasa bo itoi. Bo kon tayowon i Tuhan kon Mizpa, ki Yepta nopoigum in tuntutannea mita kon intau mita in Gilead.

HAKIM MITA 11:29

Onda intua Roho i Tuhan nongawasadon kon i Yepta. Dá minayádon in ki Yepta kon butá in Gilead bo Manasye onda intua nobui kon Mizpa kon Gilead. Nongkon tua nongingguputdon in sia kon bobayáannea nopobayá in butá in bangusa in Amon.