YOSUA 13:15 - Alkitab Singog In Mongondow Masa In Tanaa

¹⁵ Tongobotak nongkon butá inta pinodandi i Tuhan kon umat in Israel tua ain inogoi i Musa kon motoḷuadí kon bonu in suku i Ruben, sin mobaḻí butá kapunyaan monia.

YOSUA 13:15 ပူးပေါင်းရင်းမြစ်များ

KINOBAḺIAN 35:23

Ki adí mita i Lea in ki Ruben (adí guya-guyang i Yakub), ki Simeon, ki Lewi, ki Yohuda, ki Isakhar bo ki Zebulon.

IḶUAIAN 6:14

Ki Simeon bo ki buḷoinea inta bobay in Kanaan kogadí kon adí ḷoḷaki onom: Ki Yemuel, ki Yamin, ki Ohad, ki Yakhin, ki Zohar bo ki Saul. Mosia tua in mogoguyang in suku Simeon.

YOSUA 13:14

Suku in Lewi in diá nokouḻí kon tonsilai butá nongkon i Musa, sin ki Tuhan ain noguman kon i Musa kon tonsilai in suku Lewi tua in nongkon kurubanbí mita inta sinubá kon mezbah inta inogoi kon i Tuhan Allah Israel.

YOSUA 13:16

Butá monia tua in nongkon Aroër (kon bingkí in Ḷopá in Ongkag in Arnon) bo kotá inta kon yua-yuak in ḷopá tatua nodapot kon bayongan in rata inta moḷantud kon diugmai in Medeba;

YOSUA 22:4

Dá podudui in dandi-Nea, ki Tuhan Allahmu ain nobogoi in kobiagan notompia kon i utatmu mita, intau in Israel ibanea. Dá, pobuidon in tanaa mako kon butámu tontaní kon dotá in pomukaan kon Ongkag in Yordan tatua inta inogoi i Musa kon inimu koḻipod.

HAKIM MITA 11:20

Táe diá inogoi i Sihon sin diá in sia mopirisaya kon mosia tua in tongábí tumaḻib. Sedang bo pinotabáneadon in tontara mita noposindog in tampat pososipunan kon Yahas bodongka nonubu kon Israel.