YOSUA 13:14 - Alkitab Singog In Mongondow Masa In Tanaa

¹⁴ Suku in Lewi in diá nokouḻí kon tonsilai butá nongkon i Musa, sin ki Tuhan ain noguman kon i Musa kon tonsilai in suku Lewi tua in nongkon kurubanbí mita inta sinubá kon mezbah inta inogoi kon i Tuhan Allah Israel.

YOSUA 13:14 ပူးပေါင်းရင်းမြစ်များ

YEHEZKIEL 44:28

Imang mita in nogabat kon oaidan in imang tatua nobaḻí tonsilai kon i monia nongkon onu inta ogoi-Ku kon Israel modapot in adí bo ompu. Mosia in diábí motaau monongkapunyaan onuka kon Israel: Akuoibí naa in kapunyaan monia.

YEHEZKIEL 44:29

Mosia in mustibí mobiag nongkon sosumba gandum, kuruban potobut kon dosa, bo kuruban toḻiu in karugian; bo bayongan in yagi-yagi inta ain sinantú ogoi kon i-Nakó, in mustibí ogoi kon i monia.

ULANGAN 10:9

Tuamai suku in Lewi diá nokouḻí kon butá tonsilai ná suku mita ibanea, sin ki Tuhanbí tua in tonsilai warisan monia, ná inta pinoguman i Tuhan Allahmu kon i monia.)

ULANGAN 12:12

Kosanangdon in gina kon tayowon i Tuhan Allahmu, takin adímu mita, bobantungmu mita bo intau mita in Lewi inta nogutun kon kotámu mita, sin intau mita in Lewi diá nokouḻí kon tonsilai kon butámu.

ULANGAN 12:19

Ḷukadai sinbá diá modapot in moiko mopomayá mako in kaum Lewi moiḷaḻe kon bonu in moiko mogutun kon butá tatua.

YOSUA 13:13

Táe intau in Gesur bo Maakha in diábí pinoguntun in intau Israel; mosia in nogutunpabí kon Israel.

YOSUA 13:15

Tongobotak nongkon butá inta pinodandi i Tuhan kon umat in Israel tua ain inogoi i Musa kon motoḷuadí kon bonu in suku i Ruben, sin mobaḻí butá kapunyaan monia.

YOSUA 13:33

Táe suku Lewi in diábí nokouḻí kon butá topiḻikmai nongkon i Musa. Ki Musa in noguman kon i monia kon inta mobaḻí tonsilai monia in kurubanbí mita inta pinosumba kon i Tuhan Allah in Israel.

YOSUA 18:7

Tongá suku in Lewi in diá motarima kon tonsilai butá moyotakin monimu, sin oaidan saḷaku imang mita inta mogundoi kon i Tuhan tuatadon in nobaḻí tonsilai kon i monia. Bo aka suku i Gad, i Ruben bo tongosilai in suku i Manasye, totuu kon mosia in notarimadon kon tonsilainea kon dotá in pomukaan kon Ongkag in Yordan. Ki Musa mogogundoi i Tuhan, ain nobogoi in butá tatua kon i monia.”