YOSUA 11:21 - Alkitab Singog In Mongondow Masa In Tanaa

²¹ Kon tungkuḷ doman intua ki Yosua minayá noyopú kon bangusa in Enak, bangusa inta intaunea in mongoḷoben bo moitoi inta nogutun kon buḷud – kon Hebron, Debir, Anab, bo kon bayongan in buḷud in Yohuda bo Israel. Mosia iḻimod komintan i Yosua, bo kotá mita monia in pinayong.

YOSUA 11:21 ပူးပေါင်းရင်းမြစ်များ

YEREMIA 3:23

Diábí in mangaḻenea kami in noyotakin nosumba kon berhala mita kon tudu mita in buḷud! Totuḷung kon umat in Israel in tongábí mamangoi nongkon i Tuhan Allah nami.

YEREMIA 9:23

Ki Tuhan in noguman, “Intau mobijaksana in diábí motaau in moyunggagá popisí in kobobijaksananea, intau moropot popisí in ropotnea, bo intau nooyúon popisí in kaoyúonannea.

AMOS 2:9

Umpaka natua, ei umat-Ku, kon i monimubí Akuoi in noyompat kon intau in Amori inta moḷantud ná pangkoi in ḷokuyú bo moropot naonda bo pangkoi in terpentin.

PINOGIAPAN 13:33

Bo kami in nokoontong domandon kon intau mita inta ná ki tuyá, inta buí in intau Enak. Aka poyotongkaionmai monia tua yo kami naa in tongábí naonda bo pangkoḷá, bo tantú kon natuabí doman in anggapan monia kon inami.”

ULANGAN 1:28

Dá onubí in mangaḻenea in bayáan naton intua? Intau mita inta pinotabá naton minayá intua nopogogondok doman kon i naton takin noguman kon bangusa tatua in moropo-ropot bo motori-torindog nongkon i naton, bo mosia in nogutun doman kon kotá mita inta tondoknea ná koḷantud in ḷangit. Mosia noguman doman kon nokoontong kon tuyá kon tua!’

ULANGAN 2:21

Naonda bo intau in Enak, mosia mongoḷoben bo mongoḷantud doman in awak. Mosia totuu mongo ropot, bo mobarong in mosia. Tongá iyopú i Tuhan in mosia, nodapot inagow in intau Amon in butá tatua, bo poḷat pinogutunan monia.

ULANGAN 9:2

Intaunea mita mongoḷoben bo mongotorindog in awak monia; mosia tua in tuyá, bo dinongogdon monimu kon diábí tobatúmai in mokotaḷow kon i monia.

YOSUA 10:42

Tongá komintan noparang, ki Yosua nokotaḷowdon kon bayongan in datu tatua bo nogagow kon bayongan butá inta kon bonu in kawasa monia, sin ki Tuhan, Allah Israel, noparang noyotakin in Israel.

WAHYU 6:2

Dá akuoi in nokoontong kon tobatú kabaḷo nobudó. Intau inta sinumakoi kon kabaḷo tatua in nokadai kon piot, bo sia inogoian doman in tobatú mahkota. Sia minayá in muna saḷaku inta nountung inta minayá notayak kon bá mountung.

HAKIM MITA 1:20

Ná inta ain pinarenta i Musa, Hebron inogoi kon i Kaleb, sin koḻipod in toḷu nogolongan in inanakan buí i Enak in inuntundon i Kaleb nongkon kotá tatua.