YOSUA 11:17 - Alkitab Singog In Mongondow Masa In Tanaa

^17-18 Kooḷad in butá tatua in pinangkoi nongkon Buḷud Noḷogat kon dotá in toḷatan kon diug in Edom, nodapot kon utuan kinoyoyayú in Baal Gad kon Ḷopá in Libanon kon dotá in toḷatan Buḷud in Hermon. Noonggot totok in ki Yosua noparang takin datu mita kon butá tatua, táe kon buitnea nodomok bo noḻimod in sia kon i monia komintan.

YOSUA 11:17 ပူးပေါင်းရင်းမြစ်များ

KINOBAḺIAN 32:3

Nopaḷut mako kon tua ki Yakub nopotabá kon tongonumai in totabá minayá inumuna kon inia minayá in butá Edom sin mokipodungkuḷ kon i Esau, ki guya-guyangnea.

MAZMUR 89:12

Ḷangit bo butá Iko in kitogi, dunia bo bayongan in tombonunea Iko in nomaḻí.

ULANGAN 1:7

Tanaa kokaidon in ḷoḷaiganmu bo bayádon kon buḷud in intau Amori bo kon bayongan in butá inta kon diugneamai, tuata in Ḷopá in Yordan, butá inta notombuḷud bo inta nooyuk, butá inta kon dotá in toḷatan bo pintad in Dagat Toyuak. Bayádon ḻitúai in butá in Kanaan bo Buḷud in Libanon modapot kon ongkag moḷoben in Eprat.

ULANGAN 2:1

Pangabisannea kita in nobui kon padang gurun nongin daḷan inta nopobayá ná Teluk in Akaba, ná inta pinarenta i Tuhan. Noonggot in kita nodondaḷoi kon buḷud in Edom.

ULANGAN 3:9

Buḷud in Hermon sinangoi intau in Sidon ‘Siryon’ bo sinangoi intau in Amori ‘Senir’.)

ULANGAN 33:2

“Ki Tuhan namangoi nongkon Buḷud in Sinai; Sia nomuká kon tudu in Edom naonda bo mata in singgai bo nongkon Buḷud in Paran sia nonimbayag kon umat-Nea. Sia sinakinan in mopuḷú noribu in malaekat; tuḷú nodokot kon dotá in koḷanan-Nea.

ULANGAN 7:24

Sia in moposarakanbí in datu mita monia kon inimu. Ḻimodonbí monimu in mosia, bo tangoi monia in koḻiongandon. Diábí tobatúmai in mokotahang monayow kon i monimu; mosia komintan in daitonbí monimu yopúon.

YOSUA 1:4

Butámu in mobanat nongkon padang gurun kon toḷatan modapot kon Buḷud in Libanon kon utuan bo nongkon Ongkag in Eprat inta moḷoben kon pomukaan noitakin in butá in bangusa in Het nodapot kon Dagat Toyuak kon toyopan.

YOSUA 11:3

Sia in nopotabá doman in intau minayá kon intau in Kanaan inta kon dotá in toyopan bo kon dotá in pomukaan kon Yordan, kon intau in Amori, Het, Peris, bo intau in Yebus inta kon buḷud mita, bo kon intau in Hewi kon sipangkoion in Buḷud in Hermon kon butá in Mizpa.

YOSUA 13:5

noiduduimai kon tua butá in bangusa in Gebal, bo bayongan in butá in Libanon nopobayá ná pomukaan, nongkon Baal-Gad kon dotá in toḷatan Buḷud in Hermon, bo minayá nodapot kon daḷan inta nopobayá ná Hamat.