YOSUA 10:33 - Alkitab Singog In Mongondow Masa In Tanaa

³³ Ki Horam, datu in Gezer namangoi notuḷung kon i Lakhis, táe sinaḷow doman i Yosua in sia bo tontaranea mita; diá tobatúmai in kinotaḷáan, nodait minatoi.

YOSUA 10:33 ပူးပေါင်းရင်းမြစ်များ

SAMUEL 2 5:25

Inaidan i Daud onu in pinoki aid i Tuhan, bo kinountunanannea in intau in Pilistin nongkon Geba nodapot kon Gezer.

TAWARIKH 1 20:4

Degá tongonumai nosinggai nongkon tua nobaḻídon bui in parang nonayow kon intau in Pilistin kon Gezer. Kon pinoparangan tobatú tatua ki Sibkhai intau in Husa noḻimod kon intau tuyá tobatú tangoinea in ki Sipai. Dá intau in Pilistin in sinaḷowdon.

TAWARIKH 1 6:67

Sikhem, kotá pogogadopan kon buḷud in butá tatua, Gezer,

YOSUA 10:32

Ki Tuhan nopountung kon intau in Israel nongkon i Lakhis kon pinoparangan kon singgai nogindua. Onu in inaidan monia kon Libna, inaidan doman monia kon Lakhis; diábí in tobatúmai intau in pinomayá mako nobiag, komintanbí iḻimod.

YOSUA 10:34

Noiduduimai kon tua, ki Yosua bo tontaranea bui minayá nongkon Lakhis nopobayá ná Eglon bo nongopung poḷat nonubu kon kotá tatua.

YOSUA 16:10

Táe suku Epraim diábí noguntun kon intau in Kanaan nongkon butá in Gezer. Tuamai nodapot kon tanaa mako intau in Kanaan nogutunpabí doman kon Gezer noyotakin in intau in Epraim, táe mosia pinakisa nogaid nobaḻí ata kon intau in Epraim.

YOSUA 16:3

Nongkon tua botok tatua pinobayá ná Toyopan kon butá in inanakan i Yaplet, nodapot kon Bet-Horon-Hilir, minayá nodapot kon Gezer, bo nopaḷuput kon Dagat Toyuak.

HAKIM MITA 1:29

Kon kotá in Gezer, suku in Epraim in diábí nopoguntun kon intau in Kanaan, inta nogutun kon kotá tatua. Dá intau in Kanaan umuranpabí nogutun kon tua noyotakin monia.