YOSUA 10:27 - Alkitab Singog In Mongondow Masa In Tanaa

²⁷ Kon dodai in mata in singgai sinumoyop, podudui in parenta i Yosua, mayat mita tatua pinopoponag bodongka binayá pinogonag kon bonu angob inta pinogadopan monia koina. Onda intua batu mita moḷoben pinopotaḷob kon bibig in angob tatua. Umaai in tanaa batu mita tatua kon tuapa doman.

YOSUA 10:27 ပူးပေါင်းရင်းမြစ်များ

SAMUEL 2 18:17

Onda intua mayat i Absalom binuat bo pinogonag kon bonu in parigí inta moonag kon kayuon. Parigí tatua binumbunan monia in batu nodapot in kinoḷantud. Bayongan tontara in Israel noḷagui nobui kon baḷoinea-baḷoinea.

YOSUA 4:9

Kon yua-yuak doman in ongkag in Yordan tatua, ki Yosua nopoyoguntuḷ in batu mopuḷú bodoyowá noitongkaná kon tampat inta sinindogan in imang mita inta nomotaan kon Poti Dodandian tatua. (Batu mita tatua umuranpa doman oyúon dapot in tanaa mako.)

YOSUA 7:26

Nopaḷut mako kon tua binumbunandon monia in tampat tatua in batu inta mobarong totok bo dapot in tanaa oyúonpa doman intua. Tuamai in tampat tatua in sinangoianpa Ḷopá in Roriga. Dá noobotdon in torú i Tuhan.

YOSUA 8:29

Datu in kotá tatua in binambé kon oigi tobatú, bo pinomayá mako nodapot in ḷoḷabungnea. Kon dodai in mata in singgai sinumoyop, pinoki gamádon i Yosua in mayat tatua bo iḷumbú kon tayowon in ḷoḻingkop moḷoben in kotá. Onda intua tampat tatua binumbunan in batu inta mobarong totok. Batu mita tatua umuranpabí oyúon nodapot in tanaa mako.