YOSUA 10:24 - Alkitab Singog In Mongondow Masa In Tanaa

²⁴ bodongka dinia kon i Yosua. Bo ki Yosua nogoiní kon bayongan intau in Israel noyosipun, bo nomarenta sinbá porwira mita inta sinumakin noparang takinnea in mamangoi moritak kon sindun in datu mita tatua. Porwira mita tatua in namangoi domandon bo noritak kon sindun in datu mita tatua.

YOSUA 10:24 ပူးပေါင်းရင်းမြစ်များ

SAMUEL 2 22:39

Pomobakku in mosia modapot in mosia diádon mokosindog bui, mosia in moibobak diádon kodaya kon tayowon in sioḷku.

SAMUEL 2 22:41

Binaḻímu in musungku mita noḷagui nongkon tayowonku; intau mita inta doí kon inakó iyopúku.

MAZMUR 107:40

Ki Tuhan in nopoompá kon mongongawasa monia, bo nopotabá kon i monia nodondaḷoi kon ḷopá in kayuon inta diá in daḷannea.

MAZMUR 110:1

Mazmur i Daud. Ki Tuhan in noguman kon i tuangku, “Ḻitúdon kon dotá in koḷanan-Ku, modapot in musungmu mita potungkudon-Ku kon inimu.”

MAZMUR 110:5

Ki Tuhan in kon dotá in koḷananmu, aka Sia bo tumorú yo datu mita in taḷowon-Neabí.

MAZMUR 18:40

Inogoian-Mu in akuoi in ropot pakéon poparang, bo pinountung-Mu nongkon musungku mita.

MAZMUR 91:13

Ḷampanganmubí in uḷag bo singa, moritak kon singa batánea bo uḷag mobisa.

YESAYA 51:23

Roriga tatua in ogoi-Ku kon inta nondorot kon inimu, inta nokoimontandon in nokiposiug kon i monimu kon butá, bo inta noritak kon i monimu, ná momia bo moiko nion in daḷan inta bayáan in intau.”

MALEAKHI 4:3

Kon singgai tatua Akuoi mopobayá in oaidan-Ku, bo moiko in monaḷowbí kon intau mita moraat, dá mosia in naondadon bo ḷobud mita inta irita-ritakan mako monimu.

SURAT I PAULUS KON JAMAAT RUM 16:20

Ki Allah inta mobogoi in kobiagan motompia kon intau, mopotungkudbí in Ibilis kon ḻimonag in kawasamu bo rimumudonmu in sia. Poigumon doman mako, moiko in umuran barakatan i Yesus Kristus, Tuhan naton!

ULANGAN 33:29

Kosanangdon in iko, ei Israel! Diábí in bangusa ná iko pinosaḷamat i Tuhan. Ki Tuhan in naonda bo pitow bo oḻingoi kon inimu; sin moduḷu kon inimu bo mobogoi in kauntungan kon inimu. Musungmu mita in mamangoibí mokikotabimai, bo iko in totokbí in moritak kon i monia.”

IBRANI 1:13

Diábí kon dodai in onda ki Allah in noguman kon malaekat mita: “Ḻitúdon kon dotá in koḷanan-Ku, dapot in bayongan saturu-Mu potungkudon-Ku kon tayowon-Mu.”

HAKIM MITA 8:20

Bo ki Gideon noguman kon i Yeter, ki adínea guya-guyang, “Ḻimodon in mosia!” Táe ki Yeter in nobagupa. Dá, noondokpa in sia nodapot in sia diá norabut kon kedangnea sin moḻimod.