YOSUA 10:19 - Alkitab Singog In Mongondow Masa In Tanaa

¹⁹ “táe moiko in dikabí mogogai kon tua. Aḷowaidon turus, bo tubu in mosia nongkon tumi; dika pomayá mako in mosia tumuot kon kotá mita monia! Ki Tuhan Allahmu ain nobogoi in kauntungan kon i monimu nongkon i monia.”

YOSUA 10:19 ပူးပေါင်းရင်းမြစ်များ

SAMUEL 2 17:13

Aka moḷagui in sia kon bonu in kotá tobatú, bayongan rayat naton in mogamábí kon tontogot bo mopogambat kon kotá tatua bodongka mopoḷabú kon bonu in oyuknea inta nodiug kon tua. Tobatúmai in batu yo diábí in kotaḷáan kon buḷud tatua.”

SAMUEL 2 20:6

Onda intua ki datu in nogumandon kon i Abisai, “Ki Seba tua in mokosusa-susabímai kon inaton moiḻiu kon i Absalom. Tuamai in diádon in intauku mita bo batukdon in sia, sinbá diá modapot in sia in mokoḻitú kon kotá mita inta dininding, bo mokoḷagui kon inaton.”

YEREMIA 48:10

Kinutukdon in intau inta diá totu-totuu nopobayá in oaidan nongkon i Tuhan. Kinutukdon in sia inta diá norabut kon pitow bo noḻimod.

YEREMIA 8:14

“Nongonu sin kita in diábí nogaid kon onu bo onu?” guman in umat i Allah. “Igai in kita moyotakin moḷagui mayá in kotá mita inta dininding, umpaka in kita matoi kon tua. Ki Tuhan Allah naton ain nonantú kon kita in mustibí moputú. Sia in nobogoidon kon i naton rasum sin inumon sin kita in binaradosa kon i-Nia.

YOSUA 10:18

“Ḻitoidon in batu mita moḷoben kon bibig in angob tatua, bo pokiḷukadon kon pongawal kon tua,” guman i Yosua,

YOSUA 10:20

Ki Yosua bo intau mita in Israel noḻimod kon intau mita in Amori tatua, táe oyúonpa doman in kon sigad mita monia in noḷagui minayá in kotá notayak kon pinogadopan, dá diá kinoḻimodan.