YOHANES 3 1:8 - Alkitab Singog In Mongondow Masa In Tanaa

⁸ Sin tuamai, kita intau mita in Keresten in musti motuḷung kon yobayat mita tumpaḷa Keresten inta ná tatua, sinbá kita moitakindon moramuji mopohabar in totundú inta noitutui nongkon i Allah.

YOHANES 3 1:8 ပူးပေါင်းရင်းမြစ်များ

MAZMUR 94:16

Ki ine in moduḷu kon inakó nongkon intau inta diá mopirisaya? Ki ine in dumotá kon inakó monayow kon intau inta nogaid kon inta moraat?

MATIUS 10:14

Bo aka oyúon intau doí motarima kon i monimu bo doí doman mokidongog kon singogmu, yo ḷuai bo taḷaaidon in baḷoi bo kotá tatua bo topirai in ḷobud kon sioḷmu.

MATIUS 10:40

“Ki ine in notarima kon i monimu, sia tua in notarima doman kon i-Nakó. Bo ki ine in notarima kon i-Nakó, sia in notarima doman kon i-Nia inta nopotabá kon i-Nakó.

LUKAS 11:7

Bo aka kuma yobayatnea tatua notubag nanaa, ‘Dikadon monuyayow kon inakó sin kinunsíankudon in ḷoḻingkop bo nosiugdon in kami motoḷuadí. Diádon in akuoi mokopobangon bo mobogoi in kaanon kon inimu uḻe.’ ”

KORINTUS 2 6:1

Saḷaku yobayat topogaidan i Allah, kami in mononggina kon i monimu; donaai tongá pomayá mako in totabi i Allah inta ain inogoi-Nea kon i monimu.

KORINTUS 2 8:23

Aka ki Titus, yo sia in yobayat topogaidanku inta notuḷung kon i monimu. Bo soaḷ ki utat naton taya dua tua, inta minayá noyotakinnea, mosia tua in intaubí inta piniḻí bo sinantú in jamaat sin kinosanang in gina monia.

PILIPI 4:3

Bo poigumonku kon i monimu Sunsugos, yobayatku inta totok in mosatia, tuḷungai in mosia, sin mosia noramujidon totok in nogaid takinku nopotaau in Habar Mopia inta nongkon i Allah; mosia tua naonda bo tai Klemen bo bayongan in intau inta nogaid noyotakinku. Tangoi monia tua in pinaisdon kon bonu in Buk Intau Nobiag.

KOLOSE 4:11

Salam doman i Yesus inta dinonoi ki Yustus. Kon sigad in intau mita in Yahudi inta ain nopirisaya kon i Tuhan Yesus, yo taya toḷu naa in nobaḻídon yobayat topogaidanku inta mopoyaput in oaidan nongkon i Allah. Mokotuḷung totok in mosia kon inakó.

TESALONIKA 1 3:2

pogoḷa-goḷatan in potabákupa mangoi kon i monimu in ki utat naton ki Timotius. Sia naa in mogogaid kon oaidan i Allah inta topogaidan nami nopoyaput in Habar Mopia soaḷ ki Kristus. Pinotabá nami in sia mamangoi kon i monimu sinbá motuḷung moginrigon kon gina monimu bo poḷat mononggina bá umuran in moiko mopirisaya kon i Kristus.

PILEMON 1:2

bo kon jamaat inta noyosipun kon baḷoimu; bo kon i utat doman naton bobay ki Appia bo yobayat toporjuangan naton, ki Arkhipus.

PILEMON 1:24

Bo tarimadon doman in salam nongkon yobayat mita topogaidanku, ki Markus, ki Aristarkhus, ki Demas bo ki Lukas.

YOHANES 3 1:10

Tuamai, aka akuoi in mamangoidon, yo daitonkudon oumanon in bayongan inta pinomianea, inta kopiadon mongonguman kon soaḷ mita uboḷ sin moporaa-raatmai kon i nami! Deemanbí doman tongá tua in pinomianea, sin kon tungkuḷ in ki utat mita naton tumpaḷa Keresten namangoi, doí in sia notarima kon i monia. Nodapotbí in ilarangnea in intau mita inta moibog motarima kon utat mita tatua, nodapot in pinoḷuaineadon in intau mita tatua kon bonu in jamaat!

YOHANES 3 1:7

Sin kon binayáan monia mogaid kon oaidan i Kristus, mosia in diábí motarima kon totuḷung onukadon nongkon intau mita inta diá nonotaau kon i Allah.

YOHANES 3 1:9

Akuoi ain nokidia in surat kon jamaat umpaka tongá nopoḷok, táe ki Diotrepes inta moibog mobaḻí itoi kon bonu in jamaat, doí dumudui kon onu inta pinogumanku.