YOHANES 3 1:4 - Alkitab Singog In Mongondow Masa In Tanaa

⁴ Aka kon inakó, diábí in poḻiu kon ḷunganga in ginaku wakutu in nokodongogmai kon ki adíku mita in umuran nobiag noidudui kon onu inta sinundú i Tuhan.

YOHANES 3 1:4 ပူးပေါင်းရင်းမြစ်များ

DATU MITA IMITÁNEA 2:4

Aka iko motoḷutui kon i Tuhan, yo intompodan-Neabí in dandi-Nea kon buíkubí in momarenta kon Israel, asaḷ bo mosia in takin ḻimbatú in gina bo bayongan dimukud in umuran mosatia in dumudui kon parenta-Nea mita.

DATU MITA IMITÁNEA 3:6

Ki Salomo in notubag, “Tuhan, pinoontong-Mudon kon motabibí totok in Iko kon i amáku ki Daud, mogogundoi-Mu tua. Mopia in sia, motuḻid in gina bo mosatia kon ini-Mu. Bo inta nobaḻí tomponuot kon totabi-Mu in mononoi kon inia, dá inogoi-Mudon kon inia in adí ḷoḷaki inta tanaa nomarenta nonoḻiu kon inia.

DATU MITA 2 20:3

“Tuhan, toropa kaasí in akuoi naa inta ain nogundoi kon ini-Mu sinumoḷutui bo notuḻid in gina. Akuoi in umuranbí noḷongasi dinumudui kon ibog-Mu.” Bo nongombaḷdon totok in ki Hizkia.

AMSAL 23:24

Guyanga ḷoḷaki mosanangbí aka ki adínea oyúon in raian bo mopia in oaid; mopiabí in ginanea aka ki adínea mobijaksana.

YESAYA 38:3

“Tuhan, toropdon kon akuoi in nogundoidon kon ini-Mu takin motoindudui bo motuḻid in gina. Akuoi in umuran moḷongasi dumudui kon ibog-Mu.” Bo ki Hizkia in nongombaḷ totok.

YESAYA 8:18

Naa in akuoi bo adí mita inta inogoi i Tuhan kon inakó. Ki Tuhan Inta Totok in mokawasa inta nomarenta kon Buḷud in Sion, nopotabá kon inami mobaḻí tomponuot kon umat in Israel.

KORINTUS 2 6:13

Yo tanaa in pomayápa mako in akuoi in mosingog kon i monimu naonda bo guyanga mosingog kon i adíku mita tontaní. Tarimadon in kami kon bonu in gina monimu.

GALATIA 2:14

Bo naonda inontongku in oaid monia inta diá noyokaan in onu inta sinundú kon Habar Mopia i Tuhan, dá akuoi in noguman nanaa kon i Petrus kon tayowon intau moantó inta kon tua, “Aka kobobiagmu uḻe saḷaku intau in Yahudi, naonda bo kobobiag in intau inta deeman Yahudi, yo nongonu sin iko in momakisabí kon intau ibanea sinbá mobiag naonda bo kobobiag in intau Yahudi?”

GALATIA 4:19

Uḻe adíku mita inta kinotabiku! Tanaa akuoi in bui notakit sin umuran morai kon i monimu. Takitku naa in naonda bo takit in monononggadí. Moajar totok in porasaanku, aka sipat mita i Kristus bo diápa noitonop kon bonu in gina monimu!

TESALONIKA 1 2:11

Kinotaauanbí monimu in kinototabi nami kon i monimu. Naonda bo guyanga bo adí.

PILEMON 1:10

Tuamai, akuoi ki Paulus in mopoigum kon inimu soaḷ ki Onesimus, inta ain nobaḻí ki adíku sin sia ain nopirisaya kon i Kristus, kon wakutu in akuoi kon bonupa in ponjara bo akuoi in nobaḻídon guyanganea kon bonu in pirisaya kon i Tuhan.

YOHANES 1 2:1

Adíku mita! Naa mita in pinaisku kon i monimu, sinbá moiko in diádon mogaid kon dosa. Tongá aka oyúon in mogaid kon dosa, dá oyúon in mototuḷung naton, Sia tua in ki Yesus Kristus inta moadil. Sia in mayá in tayowon i Allah bo mopoigum sinbá ampungandon in taḷá mita naton.

YOHANES 2 1:4

Nosanangdon totok in ginaku nokotaaumai kon oyúon in ki adí mita i Iná in nobiag podudui in totundú mita i Allah, ná inta pinoki aid i Allah Amá kon i naton.