YOHANES 3 1:3 - Alkitab Singog In Mongondow Masa In Tanaa

³ Noḷunganga totok in ginaku kon tungkuḷ in nokodongog kon ouman in tongonumai intau in Keresten inta namangoi kon inakó. Mosia in nongonguman kon ki Utat in totokbí in motoindudui kon bayongan inta kinoibog i Allah. Kinotaauankubí kon ki Utat in umuranbí mogaid kon inta mopia ná inta sinundú i Allah.

YOHANES 3 1:3 ပူးပေါင်းရင်းမြစ်များ

MAZMUR 119:11

Totundú in sinagúku kon bonu in ginaku, sinbá akuoi diá baradosaan kon ini-Mu.

OUMAN IN RASUL MITA 1:15

Kon singgai tobatú wakutu in mosia noyosipun, degá mogatutmai bodoyowá nopuḷú in intau, dá ki Petrus in sinimindog kon yua-yuak monia tua bo nosingog, kainia,

KORINTUS 1 13:6

Diábí mopia in ginanea aka intau mogaid kon inta moraat, sin koibognea in tongábí inta mopia.

GALATIA 6:10

Dá tuamai kon dodai in oyúonpa in kasampatan naton, yo koḻigai in kita sinbá mogaid kon inta mopia kon bayongan in intau, muna-munamai kon i utat mita naton inta mopirisaya kon i Tuhan Yesus.

PILIPI 1:4

Bo pomuḷoi doman mako sambayanganku in moiko komintan takin sanang in gina.

YOHANES 2 1:2

Sin ki Allah in umurandon nogutun kon bonu in gina naton, bo Sia in umuranbí doman kotaki-takin naton.

YOHANES 2 1:4

Nosanangdon totok in ginaku nokotaaumai kon oyúon in ki adí mita i Iná in nobiag podudui in totundú mita i Allah, ná inta pinoki aid i Allah Amá kon i naton.

YOHANES 3 1:10

Tuamai, aka akuoi in mamangoidon, yo daitonkudon oumanon in bayongan inta pinomianea, inta kopiadon mongonguman kon soaḷ mita uboḷ sin moporaa-raatmai kon i nami! Deemanbí doman tongá tua in pinomianea, sin kon tungkuḷ in ki utat mita naton tumpaḷa Keresten namangoi, doí in sia notarima kon i monia. Nodapotbí in ilarangnea in intau mita inta moibog motarima kon utat mita tatua, nodapot in pinoḷuaineadon in intau mita tatua kon bonu in jamaat!

YOHANES 3 1:2

umuran mako mopoigum doa kon i Allah sinbá ki Utat in tantúpa mosehat bo bayongan inta mopia tantúpa doman umuran moyotakinmu, ná doman ginamu inta umuran mopia.

YOHANES 3 1:4

Aka kon inakó, diábí in poḻiu kon ḷunganga in ginaku wakutu in nokodongogmai kon ki adíku mita in umuran nobiag noidudui kon onu inta sinundú i Tuhan.

YOHANES 3 1:5

Utatku! Mopiadon totok in onu inta inaidanmu kon i utat mita inta tumpaḷa Keresten; umpaka utat mita inta diápa nogogintaauanmu, táe binantunganmubí doman.