YOHANES 3 1:10 - Alkitab Singog In Mongondow Masa In Tanaa

¹⁰ Tuamai, aka akuoi in mamangoidon, yo daitonkudon oumanon in bayongan inta pinomianea, inta kopiadon mongonguman kon soaḷ mita uboḷ sin moporaa-raatmai kon i nami! Deemanbí doman tongá tua in pinomianea, sin kon tungkuḷ in ki utat mita naton tumpaḷa Keresten namangoi, doí in sia notarima kon i monia. Nodapotbí in ilarangnea in intau mita inta moibog motarima kon utat mita tatua, nodapot in pinoḷuaineadon in intau mita tatua kon bonu in jamaat!

YOHANES 3 1:10 ပူးပေါင်းရင်းမြစ်များ

AMSAL 10:10

Ki ine in mobuni kon inta moitutui, mokopomuká kon roriga; ki ine in monoboḷow moyogintayow mako, moḷongasi mopoangoi in kobiagan motompia.

AMSAL 10:8

Intau inta mopandoi, moibog motarima kon tonggina; intau inta tongá kino singo-singognea in moiḷangkambí.

YESAYA 66:5

Indongogaidon onu in pinoguman i Tuhan, ei moiko inta moondok bo motoindudui kon i-Nia, “sin moiko in motoindudui kon i-Nakó, oyúon in kon sigad in bangusamu inta morongó kon i monimu, bo doí moyobayat monimu. Mosia in mopoyagi-yagimai kon i monimu pongin moguman, ‘Pomayádon mako in ki Tuhan mopoontong in kamuliaan-Nea, sinbá kami in mokoontong kon ḷunganga in ginamu.’ Táe mosiadon tontaní in bui mooyá.

LUKAS 6:22

Pia in kamang in moiko aka moiko sinaturu, diá sinarima, siningkuḻe bo pinoponapudan doman in uboḷ, sin popisí in moiko dumodudui i Adí Intau!

YOHANES 9:22

Guyanganea in noguman natua sin moondok in mosia kon itoi mita in Yahudi; sin mosia ain noyopakat kon intau inta mongaku kon ki Yesus tua in Datu Mopoposaḷamat, diádon motaau in tumuot kon baḷoi pososambayangan.

OUMAN IN RASUL MITA 1:15

Kon singgai tobatú wakutu in mosia noyosipun, degá mogatutmai bodoyowá nopuḷú in intau, dá ki Petrus in sinimindog kon yua-yuak monia tua bo nosingog, kainia,

KORINTUS 2 13:2

Intau mita inta tungkuḷ intua ain nogaid kon inta diá mopia bo bayongan intau ibanea, koḻipod in munadon inogoianku in tompoingat wakutu in namangoi nokipodungkuḷ induanea in akuoi kon i monimu. Bo tanaa mako, kon wakutu in noyogiyayúanpa in kita, akuoi in bui mobogoi in tompoingat, kon akuoi in mamangoidon bui kon i monimu, yo diábí in tobatúmai in kon sigad monia tua in diá hukumon.

GALATIA 6:10

Dá tuamai kon dodai in oyúonpa in kasampatan naton, yo koḻigai in kita sinbá mogaid kon inta mopia kon bayongan in intau, muna-munamai kon i utat mita naton inta mopirisaya kon i Tuhan Yesus.

TIMOTIUS 1 5:13

Apadoman wakutu monia in tongá modait kon agían akoan kon baḷo-baḷoiannea. Bo moiḻiu doman in raat kon tua aka mosia in moibog doman moporaa-raatmai kon tangoi intau ibanea bo moibog doman umaui kon urusan in intau ibanea, bo mongonguman doman kon soaḷ mita inta diá patus oumanon kon intau ibanea.

YOHANES 2 1:10

Sin tuamai aka oyúon in intau mamangoi kon i monimu bo mopotaau in totundú inta diá sinundú i Kristus, yo dika ogoi in sia tumuot kon bonu in baḷoimu bo donaai doman mobogoi in salam kon inia.

YOHANES 2 1:12

Mobayongpa in pogumanku kon i Iná, táe mopia-piabí kon deeman tongá pongin surat. Haraponku mako tua, akuoi in motaaupa mayá mokipodungkuḷ kon i monimu bo mongonguman moyogintayowan mako monimu, sinbá gina naton totu-totuudon moḷunganga.

YOHANES 3 1:3

Noḷunganga totok in ginaku kon tungkuḷ in nokodongog kon ouman in tongonumai intau in Keresten inta namangoi kon inakó. Mosia in nongonguman kon ki Utat in totokbí in motoindudui kon bayongan inta kinoibog i Allah. Kinotaauankubí kon ki Utat in umuranbí mogaid kon inta mopia ná inta sinundú i Allah.

YOHANES 3 1:5

Utatku! Mopiadon totok in onu inta inaidanmu kon i utat mita inta tumpaḷa Keresten; umpaka utat mita inta diápa nogogintaauanmu, táe binantunganmubí doman.