YOHANES 2 1:4 - Alkitab Singog In Mongondow Masa In Tanaa

⁴ Nosanangdon totok in ginaku nokotaaumai kon oyúon in ki adí mita i Iná in nobiag podudui in totundú mita i Allah, ná inta pinoki aid i Allah Amá kon i naton.

YOHANES 2 1:4 ပူးပေါင်းရင်းမြစ်များ

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”

MALEAKHI 2:6

Mosia in motundú kon inta totuu, bo deemanbí inta noitaḷá. Mosia in mobiagbí modagin kon i-Nakó, bo takin gina motuḻid dumudui kon ibog-Ku. Mosia in motuḷung doman kon mobayong in intau sinbá diádon mogaid kon inta moraat.

KORINTUS 1 13:6

Diábí mopia in ginanea aka intau mogaid kon inta moraat, sin koibognea in tongábí inta mopia.

GALATIA 2:14

Bo naonda inontongku in oaid monia inta diá noyokaan in onu inta sinundú kon Habar Mopia i Tuhan, dá akuoi in noguman nanaa kon i Petrus kon tayowon intau moantó inta kon tua, “Aka kobobiagmu uḻe saḷaku intau in Yahudi, naonda bo kobobiag in intau inta deeman Yahudi, yo nongonu sin iko in momakisabí kon intau ibanea sinbá mobiag naonda bo kobobiag in intau Yahudi?”

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.

EPESUS 5:8

Moikopa tontaní koḻipod in mobiag doman kon sindip. Táe tanaa moiko in nobaḻídon umat i Tuhan, mangaḻenea kon tua, moiko in kon bonudon in bayag. Tuamai moiko in mustidon mobiag kon bonu in bayag.

PILIPI 4:10

Kon kobiagan inta notobatúdon i Tuhan, moḷunganga totok in ginaku, sin umpakabí noonggotdon, táe umuranpabí norai kon kaadaanku. Makusudku in deemanbí kon kinoḻiongandon monimu in akuoi; umuranpabí doman kinotoropan monimu, táe diádon in wakutu monimu mopoontong intua.

YOHANES 1 2:6

Ki ine i moguman kon sia in nobiag notobatú takin i Allah, yo sia musti mobiag takin dumudui kon kobobiag i Kristus.