YOHANES 1 5:7 - Alkitab Singog In Mongondow Masa In Tanaa

⁷ Toḷu in sakusi kon soroga: ki Amá, Pirman bo Roho Mokudus. Toḷu tatua in notobatúbí:

YOHANES 1 5:7 ပူးပေါင်းရင်းမြစ်များ

MAZMUR 33:6

Ki Tuhan in nomarenta, dá nobaḻí in ḷangit; mata in singgai, buḷan bo tundi pinomia-Nea pinongin tosingogon-Nea.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

MATIUS 18:16

Tongá aka diá indongogannea in iko, yo podiadon kon tobatú andeka doyowa in intau. Sinbá mosia mobogoi doman in katarangan, ‘Sin takin katarangan in doyowa andeka toḷu in intau, yo tua in motaau pirisayaan.’

MATIUS 28:19

Tuamai, bayádon, bo baḻídon in bayongan intau dumodudui-Ku, bo baptisdon in mosia podoyon kon tangoi i Amá, Adí, bo in Roho i Allah.

YOHANES 1:1

Nongkon pinomangkoianpamai, wakutu in dunia naa diápa pinomia, Pirman i Allah tatua in koyongan bidon oyúon. Pirman i Allah tatua in koyotaki-takin i Allah, bo Sia-Siakabí in ki Allah.

YOHANES 10:30

Akuoi bo ki Amá in tobatúbí.”

YOHANES 12:28

Amá, pomuliadon in tangoi-Mu!” Dá kinodongogandon in singog nongkon soroga in noguman, “Aindon pinomulia-Ku, bo buipabí doman pomuliaan-Ku.”

YOHANES 14:17

Sia tua in Roho i Allah inta mopoontong in inta nobanar soaḷ ki Allah. Dunia naa in diá mokotarima kon i-Nia, sin mosia in diá nokoontong ande diá nonotaau kon i-Nia. Táe moiko in nonotaaubí kon i-Nia, sin Sia in mogutun moyotakin monimu bo motobatúbí takin i monimu.

YOHANES 15:26

Potabá-Kubí mangoi kon i monimu in Mototuḷung tobatú inta nongkon i Amá. Tuata in Roho inta moponiata kon kobobanar soaḷ ki Allah. Aka Sia in mamangoidon, yo Sia in mobogoibí in kosakusian soaḷ Akuoi.

YOHANES 5:26

Ná ki Amá nobaḻí pangkoi in kobiagan, dá binaḻí-Nea doman in Adí pangkoi in kobiagan.

YOHANES 8:18

Inta nobogoi in kosakusian soaḷ Akuoi in doyowabí, Akuoi bo ki Amá-Ku inta nopotabá kon i-Nakó.”

YOHANES 8:54

Ki Yesus in notubag, “Aka kuma bo motayakbí in Akuoi kon kahoromatan-Ku tontaní, yo kahoromatan tatua diábí in mangaḻenea. Inta mohoromat kon i-Nakó in ki Amá-Kubí inta inanggap monimu ki Allah monimu,

OUMAN IN RASUL MITA 2:33

Sia biningkat bo inogoian in tampat pomomarentaan inta moḷantud, bo inogoian i Allah in kawasa, bo notarima kon Roho i Allah inta ain pinodandi tua, bo Roho doman tatua in inogoi-Nea kon inami naa, tuata inta inontong bo dinongog monimu kon naa,

OUMAN IN RASUL MITA 5:32

Ain bidon inontong nami tontaní in kinobaḻian intua komintan. Kami bo Roho doman i Allah inta inogoi i Allah kon bayongan intau inta umuran dinumudui kon parenta-Nea.”

ULANGAN 6:4

Utat mita, toropdon! Tongábí ki Tuhan, bo tongábí ki Tuhan tontaní in Allah naton!

YOHANES 1 1:1

Tombonu in surat tanaa in soaḷbí Pirman inta mobogoi in kobiagan, Sia tua in Pirman inta koyongan bidon oyúon nongkon pinomangkoianpamai. Pirman tatua ain inontong bo ain doman kinadaian nami tontaní.

YOHANES 1 5:6

Ki Yesus Kristus tuata inta namangoi kon dunia takin tubig inta pinobaptisan kon i-Nia bo takin doman dugú in kinopatoian-Nea. Sia in namangoi deemanbí tongá takin tubig, táe takinbí tubig bo dugú. Bo Roho i Allah tontaní nobogoi in kosakusian kon totuubí intua, sin Roho in diábí kon dodai in onda in monguboḷ.

YOHANES 1 5:8

Toḷu doman in sakusi kon dunia naa, tuata in Roho i Allah, tubig bo dugú. Toḷu tatua in komintan nobogoi in kosakusian inta notongkai.

WAHYU 19:13

Jubah inta pinaké-Nea ain pinoḷodok kon dugú. Bo Sia in Sinangoi “Pirman i Allah”.