YOHANES 1 5:5 - Alkitab Singog In Mongondow Masa In Tanaa

⁵ Ki ine degá in mokotaḷow kon dunia naa? Tongábí intau inta mopirisaya kon ki Yesus tua in ki Adí i Allah.

YOHANES 1 5:5 ပူးပေါင်းရင်းမြစ်များ

MARKUS 9:23

Ki Yesus in notubag, “Onu in kainimu? Aka mokotuḷungbí in Akuoi? Komintanbí motaau-Ku aidan asaḷ bo mopirisaya intau!”

OUMAN IN RASUL MITA 8:37

Dá kai Pilipus doman, “Aka ki Tuang bo totu-totuudon mopirisaya, yo diábí doman nongonu.” “Mopirisayadon in akuoi kon ki Yesus Kristus tua in ki Adíbí i Allah,” tua in tubag in pogawai tatua kon i Pilipus.]

YOHANES 1 4:15

Ki ine in mopirisaya kon ki Yesus tua in ki Adí i Allah, yo ki Allah notobatú takin intau tatua, bo intau tatua in notobatú domandon i Allah.

YOHANES 1 5:1

Intau inta mopirisaya kon ki Yesus tua in Datu Mopoposaḷamat inta namangoi nongkon i Allah, yo intau tatua ki adí i Allah. Intau inta motabi kon i-Nia inta nopoangoi tua in motabibí doman kon i-Nia inta namangoi nongkon i Allah.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.