YOHANES 1 5:3 - Alkitab Singog In Mongondow Masa In Tanaa

³ Sin aka motabi kon i Allah yo mustibí motoindudui kon parenta-Nea mita. Bo parenta-Nea mita in diábí mobogat kon i naton,

YOHANES 1 5:3 ပူးပေါင်းရင်းမြစ်များ

DATU MITA 2 18:6

bo mosatia kon i-Nia. Diábí kon dodai in onda in sia moḷawang kon i Tuhan. Bayongan in parenta i Tuhan inta inogoi pinongin i Musa, totu-totuubí kon dinuduian i Hizkia.

MAZMUR 119:140

Dandi-Mu in motorindog bo motaau pirisayaan, totok in moibog in akuoi intua.

MAZMUR 119:45

Dá mobiagdon in akuoi takin diá in ḷamboinea, sin moḷongasi dumudui kon totundú-Mu.

IḶUAIAN 20:6

Táe Akuoi in mopoontongbí in tabi-Ku kon ribuan buí in intau mita inta motabi kon i-Nakó bo inta motoindudui kon parenta-Ku.

AMSAL 3:17

Hikmat mobogoi kon inimu in kobiagan mosanang bo mooyúon.

DANIEL 9:4

Bayongan in dosa in bangusaku inakuku kon i Tuhan Allahku. Gumanku, “Tuhan Allah, Iko in moḷoben, bo kami in mohoromat kon ini-Mu. Iko in umuranbí mogintompod kon dandi-Mu bo mopoontong in tabi-Mu inta mononoi kon i monia inta motabi kon ini-Mu bo inta nogaid kon onu inta pinoki aid-Mu.

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.

MATIUS 23:4

Mosia in nobogot kon diaan kinosibuḷ totok, bo mopopotaan kon obaga intau ibanea, táe mosia tontaní in doíbí moḻiai.

YOHANES 14:15

“Aka moiko in motabi kon i-Nakó, yo moiko in dumuduibí kon parenta-Ku mita.

YOHANES 15:10

Aka moiko umuran mogaid kon inta pinarenta-Ku, yo moiko in umuran mosatia in dumudui kon tabi-Ku, ná doman Akuoi inta umuran mosatia kon tabi i Amá-Ku sin umuran nopobayá in parenta-Nea mita.

YOHANES 15:14

Moiko nion in yobayat-Ku mita, aka pomiaan monimu in onu inta pinarenta-Ku kon inimu.

SURAT I PAULUS KON JAMAAT RUM 7:12

Hukum agama tua in nongkon i Allahbí, bo pomuḷoi in parenta kon bonu in hukum tatua namangoibí nongkon i Allah, manangka intua moadilbí bo mopia.

SURAT I PAULUS KON JAMAAT RUM 7:22

Batinku in moibogbí kon hukum i Allah,

ULANGAN 5:10

Táe tabi-Ku in poniata-Ku kon ribuan in buí nongkon intau mita inta motabi kon i-Nakó bo motoindudui kon parenta-Ku.

ULANGAN 7:9

Pokotorop kon ki Tuhan Allahmu in tongábí Sia-Sia mita in ki Allah, bo Sia in Allah inta mosatia. Ki Tuhan nogintompod kon dandi-Nea bo noponiata in tabi-Nea inta diá modai-dait modapot in toribu nopobuían kon intau mita inta motabi kon i-Nia bo motoindudui kon parenta-nea mita.

IBRANI 8:10

Táe tanaa, naadon in dodandian inta pomiaan-Ku takin umat-Ku Israel, Kon singgai mita moiduduimai, Pirman i Tuhan: Popotonop-Ku in hukum-Ku kon bonu in pikiran monia, bo popopais-Ku domandon kon gina monia. Akuoi in mobaḻí ki Allah monia, bo mosia in mobaḻí umat-Ku.

YOHANES 1 2:3

Aka kita bo umuran dumudui kon parenta mita i Allah, dá tua in tandanea kon kita in nonotaau kon i Allah.

YOHANES 2 1:6

Aka kita motabi kon i Allah yo mustibí dumudui kon bayongan parenta-Nea. Naa in parenta tatua: Moiko in musti umuran mobiag mositabian tobatú bo tobatú.