YOHANES 1 5:10 - Alkitab Singog In Mongondow Masa In Tanaa

¹⁰ Tuamai, intau inta mopirisaya kon i Adí i Allah ain notarima kon kosakusian tatua kon bonu in ginanea; táe intau inta diá mopirisaya kon i Allah, inanggapnea in ki Allah tua in mouboḷ, sin diá in sia mopirisaya kon onu inta pinoguman i Allah soaḷ ki Adí-Nea.

YOHANES 1 5:10 ပူးပေါင်းရင်းမြစ်များ

AYUB 24:25

Ki ine in mokobayow kon tua mita, andeka diá mopirisaya kon totuubí in tosingogonku?”

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

AMSAL 3:32

Sin, ki Tuhan in doíbí kon intau inta mogaid kon inta moraat, táe Sia in modaginbí kon intau inta motuḻid in kobobiagnea.

YESAYA 53:1

Bangusa tatua in notubag, “Ki ine in mopirisaya kon onu inta ain dinongog nami? Kon i ine in pinoponiataan in kawasa i Tuhan?

YEREMIA 15:18

Nongonu sin akuoi in umuranbí mororiga? Nongonu sin kekebku in nodaḷombí bo diá mopopia? Degá makusud-Mu moponakit in ginaku naonda bo ongkag inta noingkagdon kon sempo in poninggai?”

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

YOHANES 3:16

Popisí in ná domai tua in tabi i Allah kon intau kon dunia naa, dá inogoi-Neadon in ki Adí-Nea tuḷong, sinbá bayongan in intau inta mopirisaya kon i-Nia diá in moyoyang, táe mokouḻí kon kobiagan mononoi.”

YOHANES 3:18

Intau inta mopirisaya kon i-Nia in diábí hukumon. Táe intau inta diá mopirisaya in hukumondon i Allah, sin diá mopirisaya kon i Adí-Nea inta tuḷong.

YOHANES 3:33

Sin intau inta mopirisaya kon onu inta inouman-Nea tatua, akúonneabí kon ki Allah tua in mobanar.

YOHANES 5:38

Pirman-Nea in diá noitonop mako kon ginamu sin moiko in diá mopirisaya kon i-Nakó inta pinotabá-Nea.

OUMAN IN RASUL MITA 8:37

Dá kai Pilipus doman, “Aka ki Tuang bo totu-totuudon mopirisaya, yo diábí doman nongonu.” “Mopirisayadon in akuoi kon ki Yesus Kristus tua in ki Adíbí i Allah,” tua in tubag in pogawai tatua kon i Pilipus.]

SURAT I PAULUS KON JAMAAT RUM 8:16

Roho i Allah tatua in noyotakin in roho naton in moguman kon kita naa in ki adí mita i Allah.

GALATIA 4:1

Nanaa in makusudnea: kon wakutu in adí inta sinantú mogogabat kon kapunyaan in guyanganea nointokpa, sia in nápabí onda bo ata, umpakabí sia tua in kitogi in bayongan yagi-yagi inta sinaḷáan in guyanganea. Sia in umuranpabí ḷukadan mako in intau ibanea modapot in momangartidon in sia andeka bain motompod umurnea inta ain sinantú.

GALATIA 4:6

Moiko nion in ki adí mita i Allah, dá pinotabá-Neadon in Roho i Adí-Nea mamangoi kon i naton inta tantú mokuani; Amá, o Amáku.

KOLOSE 3:3

Sin moiko ain minatoi bo kobiaganmu noibuni noyotakin i Kristus inta notobatú i Allah.

IBRANI 3:12

Utatku mita, mokopoingat sinbá diá in tobatúmai kon sigad monimu in gina moraat bo diádon mopirisaya, sahingga in tumoḻikud bo mokopoyayúdon kon i Allah inta nobiag!

PETRUS 2 1:19

Tuatabí in nokodugang kon pirisaya nami kon koyow i Allah inta ain pinoyaput in nabi mita. Maníka moiko in monarukira totok kon koyow tatua, sin koyow tatua in naonda bo togá inta nonindar kon wakutu in doḷom modapot in mobayagdon, bo sindar in tundi inta kon dotá in pomukaan monimbayag kon bonu in ginamu.

YOHANES 1 1:10

Táe aka kita in moguman kon kita naa in diá kotaḷá, dá inanggapdon naton kon ki Allah tua in naonda bo mouboḷ, bo onu inta siningog-Nea diádon sinagú mako naton kon bonu in gina.

YOHANES 1 5:1

Intau inta mopirisaya kon ki Yesus tua in Datu Mopoposaḷamat inta namangoi nongkon i Allah, yo intau tatua ki adí i Allah. Intau inta motabi kon i-Nia inta nopoangoi tua in motabibí doman kon i-Nia inta namangoi nongkon i Allah.

WAHYU 12:17

Naga tatua totokdon in sinumorú kon bobay tatua, sahingga minayá nogaḷow kon buí in bobay tatua inta ibanea. Mosia inta umuran dinumudui kon parenta i Allah bo inta nobogoi in kosakusian soaḷ ki Yesus bo kawasa-Nea.

WAHYU 2:17

Ki ine in mokodongog, yo tarukira in onu inta pinoguman in Roho i Allah kon jamaat mita! Mosia inta mountung, ogoi-Ku mokaan kon manna inta noibuni, bo kon batúannea in motarima kon tobatú batu mobudó nongkon i-Nakó. Kon batu tatua in pinaisdon tangoi mobagu inta diábí kinotaauan i inekadon, koḻikudbí intau inta notarima kon tua.”

WAHYU 2:28

Mosia in motarimabí kon tundi in pomukaan nongkon i-Nakó.