YOHANES 1 4:20 - Alkitab Singog In Mongondow Masa In Tanaa

²⁰ Aka oyúon in intau moguman, “Akuoi in motabi kon i Allah,” táe sia in diá motabi kon i utatnea, yo mouboḷ in intau tatua. Sin intau inta diá motabi kon i utatnea inta ontongonnea mako, tantú diábí doman kumaan kon akaḷ aka sia in motabi kon i Allah inta diá inontongnea.

YOHANES 1 4:20 ပူးပေါင်းရင်းမြစ်များ

YOHANES 13:35

Aka moiko bo mositabian, yo kotaauandon in intau kon moiko nion in murí-Kubí mita.”

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.

YOHANES 1 1:6

Aka kita moguman kon kita in nobiag notobatú takin-Nea, táe kita umuranpa doman nobiag kon bonu in sindip, dá kita in nonguboḷ bidon, pinomayá tosingogon andeka oaid.

YOHANES 1 1:8

Aka kita in moguman kon kita in diá kon dosa, dá monguboḷbí in kita kon i naton tontaní; bo ki Allah in doí bidon mogutun kon bonu in gina naton.

YOHANES 1 2:11

Táe intau inta mosaturu kon i utatnea in nobiagpabí kon sindip. Sia in minayá kon bonu in sindip, bo diá kotaauannea mongo kon onda in bayáannea, sin sindipdon tatua in mogoḻingoi kon inia.

YOHANES 1 2:4

Intau inta mongaku, “Akuoi in nonotaau kon i Allah,” táe diá dinumudui kon parenta-Nea mita, yo mouboḷ in intau tatua, bo ki Allah in doíbí mogutun kon bonu in ginanea.

YOHANES 1 2:9

Intau inta noguman kon sia in nobiagdon kon nobayag, táe sia in umuranpa doman mosaturu kon i utatnea, yo intau tatua in umuranpabí nobiag kon nosindip umaai in tanaa mako.

YOHANES 1 3:17

Aka moiko inta nobiagdon nooyúon bo nokoontong kon utat inta nobiag nobogá, táe doí motuḷung kon i utatnea tatua, dá naondabí in sia motaau moguman, ‘Akuoi in motabi kon i Allah?’

YOHANES 1 4:12

Diábí tobatúmai intau in nokoimontandon in nokoontong kon i Allah, táe aka kita mositabian, yo ki Allah notobatúdon naton bo tabi-Nea mobaḻídon mosompurna kon i naton.