YOHANES 1 4:15 - Alkitab Singog In Mongondow Masa In Tanaa

¹⁵ Ki ine in mopirisaya kon ki Yesus tua in ki Adí i Allah, yo ki Allah notobatú takin intau tatua, bo intau tatua in notobatú domandon i Allah.

YOHANES 1 4:15 ပူးပေါင်းရင်းမြစ်များ

MATIUS 10:32

“Ki ine in diá mooyá in mongaku kon tayowon in intau moantó kon sia in dumodudui-Ku, yo sia in ḷabiton-Ku doman kon tayowon i Amá-Ku inta kon soroga.

LUKAS 12:8

“Torop kopira in naa: Intau inta moibog mongaku kon tayowon intau moantó kon sia in dumodudui-Ku, Sia in akúon doman in Adí Intau kon tayowon in malaekat mita i Allah.

YOHANES 6:56

Intau inta mokaan kon awak-Ku bo monginum kon dugú-Ku, umuranbí in Sia motobatú takin-Ku, bo Akuoi i motobatúnea doman.

OUMAN IN RASUL MITA 8:37

Dá kai Pilipus doman, “Aka ki Tuang bo totu-totuudon mopirisaya, yo diábí doman nongonu.” “Mopirisayadon in akuoi kon ki Yesus Kristus tua in ki Adíbí i Allah,” tua in tubag in pogawai tatua kon i Pilipus.]

SURAT I PAULUS KON JAMAAT RUM 10:9

Sin aka akúon in bibig monimu kon: “Ki Yesus tua in Tuhan”. bo ginamu in mopirisaya kon ki Allah ain nomiag bui kon i Yesus, dá iko in mosaḷamatbí.

PILIPI 2:11

Bo akúonbí monia komintan kon ki Yesus Kristus tua in Tuhanbí; takin natua dá ki Allah, ki Amá naton in pinomuliadon.

YOHANES 1 2:23

Intau inta diá motarima kon i Adí, dá mangaḻenea sia in diá doman motarima kon i Amá.

YOHANES 1 2:24

Sin tuamai, habar inta ain dinongog monimu, wakutu in moiko bagupa nopirisaya, mustibí tagúon monimu kon bonu in gina. Sin aka habar inta ain dinongog monimu tua umuran kon gina-gina mako monimu, yo moiko in umuranbí mobiag motobatú takin i Adí bo i Amá.

YOHANES 1 3:23

Naa in pinarenta-Nea kon i naton: Kita in musti mopirisaya kon i Adí-Nea, tuata in ki Yesus Kristus, bo kita in musti umuran mositabian, ná inta ain pinarenta i Kristus kon i naton.

YOHANES 1 3:24

Bayongan in intau inta motoindudui kon parenta mita i Allah, nobiag notobatú takin i Allah, bo ki Allah in notobatú doman takin i monia. Bo kinotaauan bidon naton kon ki Allah in nobiag bidon notobatú takin i naton, sin Sia in nobogoidon in Roho-Nea kon i naton.

YOHANES 1 4:12

Diábí tobatúmai intau in nokoimontandon in nokoontong kon i Allah, táe aka kita mositabian, yo ki Allah notobatúdon naton bo tabi-Nea mobaḻídon mosompurna kon i naton.

YOHANES 1 4:2

Nanaa in tandanea kon i naton monotaau mongo tua in Roho i Allah andeka deeman: Intau inta mongaku kon ki Yesus Kristus in namangoidon in dunia saḷaku intau, yo intau tatua kinawasa in Roho i Allah.

YOHANES 1 5:1

Intau inta mopirisaya kon ki Yesus tua in Datu Mopoposaḷamat inta namangoi nongkon i Allah, yo intau tatua ki adí i Allah. Intau inta motabi kon i-Nia inta nopoangoi tua in motabibí doman kon i-Nia inta namangoi nongkon i Allah.

YOHANES 1 5:5

Ki ine degá in mokotaḷow kon dunia naa? Tongábí intau inta mopirisaya kon ki Yesus tua in ki Adí i Allah.

YOHANES 2 1:7

Tanaa mako in nobayongdon kon dunia naa in intau inta motundú kon diá totuu. Mosia tua in intau inta diá mopirisaya kon ki Yesus Kristus namangoidon in dunia naa saḷaku intau. Intau natua i mongouboḷ, bo saturu i Kristus.