YOHANES 1 3:24 - Alkitab Singog In Mongondow Masa In Tanaa

²⁴ Bayongan in intau inta motoindudui kon parenta mita i Allah, nobiag notobatú takin i Allah, bo ki Allah in notobatú doman takin i monia. Bo kinotaauan bidon naton kon ki Allah in nobiag bidon notobatú takin i naton, sin Sia in nobogoidon in Roho-Nea kon i naton.

YOHANES 1 3:24 ပူးပေါင်းရင်းမြစ်များ

YOHANES 10:38

Táe popisí in inaidan-Ku intua, dá pirisayadon in onu in inaidan-Ku tatua, umpakabí moiko doí mopirisaya kon i-Nakó. Takin natua yo kotaauandon bo komangaḻeandon monimu kon ki Amá in umuranbí notobatú takin-Ku, bo Akuoi in umuranbí doman notobatú i Amá.”

YOHANES 14:17

Sia tua in Roho i Allah inta mopoontong in inta nobanar soaḷ ki Allah. Dunia naa in diá mokotarima kon i-Nia, sin mosia in diá nokoontong ande diá nonotaau kon i-Nia. Táe moiko in nonotaaubí kon i-Nia, sin Sia in mogutun moyotakin monimu bo motobatúbí takin i monimu.

YOHANES 17:21

Akuoi in mopoigum Amá sinbá mosia komintan in motobatúdon, ná ki Amá notobatú takin-Ku bo Akuoi in notobatú doman i Amá; sinbá mosia in motobatú doman takin Naton sinbá dunia in mopirisaya kon Ikobí inta ain nopotabá kon i-Nakó.

KORINTUS 1 3:16

Degá diá kinotaauan monimu kon awak monimu nion in Baḷoibí i Allah inta pinogutunan in Roho-Nea?

KORINTUS 1 6:19

Mustibí kotaauan monimu, kon awak monimu nion tampatbí in Roho i Allah. Roho i Allah tua in nogutunbí mako kon awak monimu. Awak monimu nion in deemanbí moiko in kitogi, táe ki Allahbí in kitogi.

KORINTUS 2 6:16

Onubí in hubungan Baḷoi Tuhan bo baḷoi in berhala? Kita naa in Baḷoi Tuhan inta nobiag. Sin ki Allah tontaní ain noguman nanaa, “Akuoi in mogutunbí kon yua-yuak monia, bo mobiag moyotakin monia. Bo Akuoi in mobaḻí bidon ki Allah monia, bo mosia in mobaḻídon umat-Ku.

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.

TIMOTIUS 2 1:14

Takin totuḷung in Roho i Allah inta umuran kotaki-takin naton, umurai ḷukadai kopira in onu inta ain inogoi i Tuhan kon inimu, sin koboḻibí totok intua.

YOHANES 1 2:24

Sin tuamai, habar inta ain dinongog monimu, wakutu in moiko bagupa nopirisaya, mustibí tagúon monimu kon bonu in gina. Sin aka habar inta ain dinongog monimu tua umuran kon gina-gina mako monimu, yo moiko in umuranbí mobiag motobatú takin i Adí bo i Amá.

YOHANES 1 2:3

Aka kita bo umuran dumudui kon parenta mita i Allah, dá tua in tandanea kon kita in nonotaau kon i Allah.

YOHANES 1 2:5

Táe intau inta umuran dinumudui kon parenta mita i Allah, yo tabi in intau tatua kon i Allah nosompurnadon. Tua in nobaḻí tanda kon kita in nobiagdon notobatú takin i Allah.

YOHANES 1 2:6

Ki ine i moguman kon sia in nobiag notobatú takin i Allah, yo sia musti mobiag takin dumudui kon kobobiag i Kristus.

YOHANES 1 3:22

Bo onu in igumon naton kon i-Nia, tarimaanbí naton, sin kita in umuran dinumudui kon parenta-Nea mita bo nogaid kon onu inta mokosanang kon gina-Nea.

YOHANES 1 4:7

Utat mita inta kinotabiku! Koḻigai bá kita in umuran mobiag mositabian tobatú bo tobatú, sin tabi tua in nongkon i Allahbí, bo intau inta kototabi kon tumpaḷa intau in ki adíbí mita i Allah bo nonotaau kon i Allah.