YOHANES 1 3:2 - Alkitab Singog In Mongondow Masa In Tanaa

² Utat mita inta kinotabiku! Tanaa mako kita ain nobaḻí ki adí i Allah, táe kaadaan naton kon singgai moiduduimai in diápa notarang.Tongá kinotaauan naton kon aka ki Kristus in mamangoi, kita naa in mobaḻí ná Sia, sin kita in mokoontong kon i-Nia kon bonu in kaadaan-Nea inta sabanarnea.

YOHANES 1 3:2 ပူးပေါင်းရင်းမြစ်များ

AYUB 19:26

Umpaka kuḻitku pinaḻi-paḻían bo nobotak, táe kon dodai in akuoi oyúonpa in awakku, indoiankubí in ki Allah.

MAZMUR 16:11

Sinundú-Mu kon inakó in daḷan kobiagan; kon ini-Mu akuoi mokouḻí kon pia in gina inta diá in poḻiuan bo pia in gina modapot in mononoi.

MAZMUR 17:15

Táe akuoi in imindoibí kon ini-Mu, sin akuoi in diá kotaḷá. Kon tungkuḷ in akuoi nobangon, kinoangoian-Mu nokoḷunganga kon ginaku.

MAZMUR 31:19

Tukumaidon in bibig intau mouboḷ inta takin ḷoḷatú mongempeng kon intau motuḻid in gina.

YESAYA 56:5

dá tangoimu in toropon kon bonu in Baḷoi-Ku bo kon yuak in bangusa-Ku. Tua in mopia-pia in kogadí ḷoḷaki bo bobay. Moiko in ogoian-Ku in tangoi mononoi inta diábí ḻiongon.”

MALEAKHI 3:2

Táe ki ine in mokotongod kon singgai ki Tuhan mamangoi mokipogontong in awak-Nea? Sin Sia in naonda bo tuḷú in mononontaḷ kon logam, bo naonda bo sabong in momomatá.

MATIUS 5:8

Pia in kamang in intau inta motuḻid in ginanea; sin mosia tua inta mokoontong kon i Allah.

LUKAS 17:30

Natua doman in mobaḻí kon wakutu in Adí Intau mamangoi.

LUKAS 20:36

Sin kaadaan monia tua in naonda bidon bo malaekat inta diá bidon mato-matoi. Mosia tua inta sinangoian ki adí mita i Allah sin aindon biniag bui nongkon kinopatoian monia.

YOHANES 1:12

Tongá oyúon doman in notarima kon i-Nia bo nopirisaya kon i-Nia; mosia tua in inogoian hak mobaḻí ki adí i Allah,

YOHANES 11:52

Bo deemanbí tongá bangusa in Yahudi, táe mosipunbí bo moponobatú kon adí mita i Allah inta noirangkapdon.

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

SURAT I PAULUS KON JAMAAT RUM 8:16

Roho i Allah tatua in noyotakin in roho naton in moguman kon kita naa in ki adí mita i Allah.

SURAT I PAULUS KON JAMAAT RUM 8:18

Podudui in raianku, bayongan in roriga inta korasaan naton tanaa mako, diábí tugat in poyobandingonmai in kamuliaan inta poponiata kon i naton.

SURAT I PAULUS KON JAMAAT RUM 8:19

Bayongan in mahaḷuk mogoḷat bo moibogdon totok mokoontong kon wakutu i Allah moponiata kon i adí-Nea mita.

SURAT I PAULUS KON JAMAAT RUM 8:29

Mosia inta ain piniḻí i Allah, aindon sinantú-Nea nongkon pinomangkoianmai sinbá mobaḻí motombatangan i Adí-Nea ki Yesus Kristus. Sahingga in Adí tatua mobaḻí Adí guya-guyang kon sigad in bayongan utat.

KORINTUS 1 13:12

Sin onu in inontong naton tanaa, ná bí onda bo oḻinow kon posilag inta diá totok motarang. Táe kon singgai moiduduimai ontongonbí naton motarang. Tanaa akuoi in diápa nonotaau kon rupa-rupa, táe kon singgai moiduduimai kotaauankubí, ná ki Allah nonotaau kon bayongan in yagi-yagi kon inakó.

KORINTUS 1 15:49

Kita tanaa mako in naonda bo ki Adam inta pinomia nongkon butá, dá bain noiduduimai bo kita in mobaḻí ná Sia inta namangoi nongkon soroga tua.

KORINTUS 1 2:9

Tongá soaḷ tatua ain bidon noipais kon Buk Motusi, “Onu inta diá kon dodai in onda inontong andeka dinongog in intau, bo diá doman dodai onda in kinoraian intau, tuatabí in sinadia i Allah kon bayongan intau inta motoindudui kon i-Nia.”

KORINTUS 2 3:18

Tongá tanaa mako, pogot naton naa in diá bidon kinokoḷubungan, bo moposindar bidon in bayag i Tuhan Yesus. Tuamai tantú baḷuian ná Sia in kita; koonggot-koonggot, yo kobayag-kobayag domandon in kita. Bayag tatua in nongkon Roho, bo Roho tatua in ki Tuhanbí.

KORINTUS 2 4:17

Sin yoyiga inta diá mobogat totok naa, inta tantú korasaan nami tanaa in mobogoibí in kopiaan mononoi, moiḻiu kon rupa-rupa roriga inta kinorasaan nami tontaní.

GALATIA 3:26

Moiko bo ain nopirisaya kon i Yesus Kristus, dá moiko ain notobatú takin-Nea; sahingga in moiko nobaḻídon ki adí mita i Allah.

GALATIA 4:6

Moiko nion in ki adí mita i Allah, dá pinotabá-Neadon in Roho i Adí-Nea mamangoi kon i naton inta tantú mokuani; Amá, o Amáku.

PILIPI 3:21

Awak naton inta ilo-ilow bo inta diá mononoi naa, baḷuian i Kristus mobaḻí naonda bo awak-Nea tontaní inta momulia. Motaau-Neabí aidan intua, sin oyúonbí in kawasa nongkon i-Nia mopotungkud in bayongan yagi-yagi.

KOLOSE 3:4

Aka ki Kristus inta nobaḻí pangkoi in kobiagan naton, koontongandon bui yo moiko doman in koontongan moyotakin-Nea kon bonu in kamuliaan-Nea!

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

PETRUS 2 1:4

Natua in aid i Allah mobogoi kon i naton in barakat-Nea inta moḷoben bo baraguna totok inta ain pinodandi-Nea. Sinbá aka barakat tatua oyúondon kon i monimu, yo moiko in diádon kawasaan in ibog mita moraat inta mokogoguyaat kon dunia naa, bo moiko in moitakin motarima kon sipat i Allah.

YOHANES 1 2:28

Pogumanku bui kon i monimu adíku mita: Kobiag umuran motobatú takin i Kristus, sinbá aka Sia in mamangoidon bui, yo kita in diádon moondo-ondok in tumayow kon i-Nia, bo diá domandon mooya-oyá.

YOHANES 1 2:7

Utatku mita inta kinotabiku! Onu in pinaisku tanaa in deemanbí parenta mobagu, táe parentabí inta noonggotdon inta ain pinogumanku kon i monimu kon wakutu in moiko bagupa nopirisaya kon i Kristus, tuata in habar inta nongkon i Allah bo inta ain dinongog monimu koḻipod.

YOHANES 1 3:1

Indoiaika dá ki Allah totokbí in motabi kon i naton, sahingga ináku-Neadon in kita saḷaku ki adí-Nea mita. Bo totuu kon kita naa in ki adíbí mita i Allah. Tuamai dunia inta moraat naa in diá nonotaau kon i naton, lantaran dunia diá nonotaau kon i Allah.

YOHANES 1 3:10

Naabí in nokoyoposi kon sigad in adí mita i Allah bo adí mita in Ibilis. Ki ine in diá mogaid kon onu inta kinoibog i Allah, andeka diá motabi kon i utatnea, sia tua in deemanbí ki adí i Allah.

YOHANES 1 3:21

Dá utatku mita inta kinotabiku, aka gina naton diá mopotaḷá kon i naton, yo kita in diábí moondok in mayá kon tayowon i Allah.

YOHANES 1 5:1

Intau inta mopirisaya kon ki Yesus tua in Datu Mopoposaḷamat inta namangoi nongkon i Allah, yo intau tatua ki adí i Allah. Intau inta motabi kon i-Nia inta nopoangoi tua in motabibí doman kon i-Nia inta namangoi nongkon i Allah.

WAHYU 2:28

Mosia in motarimabí kon tundi in pomukaan nongkon i-Nakó.

WAHYU 22:4

Mosia in mokoontong kon pogot-Nea, bo tangoi-Nea in paisondon kon pogot monia.