YOHANES 1 3:15 - Alkitab Singog In Mongondow Masa In Tanaa

¹⁵ Intau inta mosaturu kon i utatnea in intaubí moḷoḻimod, bo kinotaauanbí monimu kon intau moḷoḻimod in diábí mokouḻí kon kobiagan mopia bo mononoi.

YOHANES 1 3:15 ပူးပေါင်းရင်းမြစ်များ

KINOBAḺIAN 27:41

Dá ki Esau nosaturudon kon i Yakub pinopisí in ki amánea ain nobogoi in barakatnea kon i ai-ainea tatua. Kon bonu in raiannea, “Diádon moonggot bo ki amánea in matoi bo bain mopaḷut mako kon kopatoian, ki Yakub ḻimodonku!”

MATIUS 5:28

Táe Akuoi in moguman kon inimu: pomuḷoi in intau inta mokobobuimai kon bobay tobatú bo moibog kon inia, yo sia tua aindon nonuaḻing takin bobay tatua kon bonu in ginanea.

MARKUS 6:19

Manangka intua ki Herodias umuran notagú kon yaat in ginanea kon i Yohanes, dapot ibogonnea ki Yohanes in ḻimodon, táe diánea kino aidan sin umuran ḷamboian i Herodes.

YOHANES 4:14

táe intau inta monginum kon tubig ogoi-Ku in diá bidon moyoga-yogang, sin tubig inta ogoi-Ku kon inia in mobaḻí bidon bokaká kon bonu in awaknea, bo umuran ḷumuai bo mobogoi in kobiagan mononoi.”

YOHANES 8:44

Ibilisbí in ki amámu, bo moiko in moibog dumudui kon ibog i amámu tatua. Nongkon pinomangkoianpabímai Ibilis tua moḷoḻimod. Doíbí in sia kon onu inta moitutui, sin diábí in moitutui kon inia. Aka sia bo monguboḷ yo biasabí intua, sin natuabí in sipatnea. Sia mouboḷ bo pangkoi in bayongan uboḷ.

OUMAN IN RASUL MITA 23:12

Doḷo-doḷom nobangon monik, intau mita in Yahudi nomangkoidon nosipun kon intau. Bo mosia in nongibot kon diápabí mopongaa-ngaan andeka moponginu-nginum aka ki Paulus in diápa koḻimodan monia.

OUMAN IN RASUL MITA 23:14

Mosia in minayá kon Imang mita itoi bo itoi mita intau in Yahudi bo noguman, “Kami ain nongibot kon diápabí mopongaa-ngaan bo monginu-nginum aka diápa koḻimodan nami in ki Paulus.

ULANGAN 19:11

“Táe noyoposibí aka intau tobatú noḷabot kon musungnea bo sinumuodbí takin yaat in ginanea noḻimod kon inia, bo minayá noḷagui kon tobatú kotá pogogadopan sinbá mokouḻí kon pogadopan.

YAKOBUS 1:15

Moiduduimai kon tua, aka ibog inta moraat tatua bo duduian, dá mobaḻídon in oaid inta diá mopia; bo aka aid diá mopia tatua bo moguyangdon, dá popatoi in bungainea.

PETRUS 1 1:23

Sin lantaran moiko mopirisaya kon pirman inta nobiag bo inta mononoi tua, dá moiko binaḻídon intau inta mobagu bo deemanbí pinolahir nongkon intau inta mato-matoi tua, táe nongkon i Amábí inta diá mato-matoi.

YOHANES 1 2:11

Táe intau inta mosaturu kon i utatnea in nobiagpabí kon sindip. Sia in minayá kon bonu in sindip, bo diá kotaauannea mongo kon onda in bayáannea, sin sindipdon tatua in mogoḻingoi kon inia.

YOHANES 1 2:9

Intau inta noguman kon sia in nobiagdon kon nobayag, táe sia in umuranpa doman mosaturu kon i utatnea, yo intau tatua in umuranpabí nobiag kon nosindip umaai in tanaa mako.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”