YOHANES 1 3:14 - Alkitab Singog In Mongondow Masa In Tanaa

¹⁴ Kinotaauandon naton kon kita iḷumuaidon nongkon kawasa in popatoi, bo nomampingdon kon bonu in kawasa inta mokobiag, sin lantaran kita notabidon kon i utat mita naton. Sin ki ine in diá motabi kon i utatnea, yo sia tua in tantúpa nobiag kon bonu in kawasa in popatoi.

YOHANES 1 3:14 ပူးပေါင်းရင်းမြစ်များ

MAZMUR 16:3

Ihoromatku in intau mita motusi kon butá tanaa; inta mokosanang kon ginaku in mogutunbí takin i monia.

AMSAL 21:16

Intau inta diá dinumudui kon kobobiag inta mopia, notantúbí kon modapot in dunia in intau minatoi.

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

LUKAS 15:24

Sin ki adíku inta ain minatoi, tanaa mako in nobiagdon bui.’ Bo nomangkoidon in mosia norame.

LUKAS 15:32

Tanaa in kita in patusbí mosanang in gina bo morame moyotakin, sin ki ai-aimu uḻe inta ain minatoi in nobiagdon bui. Ki ai-aimu inta nobuḻi in nouḻídon bui.’ ”

LUKAS 7:5

sin sia tua in motabibí kon bayongan intau naton bo sia doman tua inta nokiposindog in baḷoi pososambayangan nami.”

YOHANES 13:35

Aka moiko bo mositabian, yo kotaauandon in intau kon moiko nion in murí-Kubí mita.”

YOHANES 15:12

Naa parenta-Ku: Positabianbí in moiko, ná doman Akuoi in notabi kon i monimu.

YOHANES 15:17

Naadon in parenta-Ku kon inimu: Moiko in musti umuran mositabian tobatú bo tobatú.”

YOHANES 5:24

Totuu totok in singog-Ku tanaa: Intau inta monarukira kon singog-Ku mita, bo mopirisaya kon i-Nia inta nopotabá kon i-Nakó, yo oyúon in kobiagan mopia bo mononoi. Sia in diábí hukumon; sia in noipilatdon nongkon kinopatoian bo mokouḻí kon kobiagan.

KORINTUS 2 5:1

Sin kinotaauanbí nami kon aka baḷoi – makusudnea awak naton – inta pinogutunan naton kon dunia naa bo rumbunon, yo posadiaanbí i Allah in kita kon baḷoi inta kon soroga. Tampat inta pinomia i Allah tontaní bo inta diá mogogu-goguyaat.

GALATIA 5:22

Tongá intau mita inta kinawasa in Roho i Allah, yo nanaabí in aidan monimu: Oyúon totabian, umuran mosanang in gina bo moonow in gina, oyúon kasabaran, mopia in gina, umuran mopia kon tumpaḷa intau, motoindudui,

EPESUS 1:15

Manangka intua naonda in kinodongoganku kon moiko in nopirisayadon kon i Tuhan Yesus, bo motabi doman kon bayongan in umat i Allah,

EPESUS 2:1

Tungkuḷ intua, secara rohani moiko in minatoidon, sin binaradosadon bo doí dinumudui kon parenta mita i Allah.

EPESUS 2:5

sahingga in kon wakutu in rohani naton minatoipa, sin popisí in kita diá dinumudui kon ibog i Allah, biniag-Neadon bui in kita noyotakin i Kristus. Tuamai in tongábí lantaran kinopopia in gina i Allah, dá pinosaḷamat-Nea in moiko.

TESALONIKA 1 4:9

Diábí bain paisonpa bui nami kon i monimu in tabi monimu kon utat mita inta tumpaḷa mopirisaya kon i Kristus. Sinundú bidon i Allah in moiko kon musti mototabian.

IBRANI 13:1

Moiko in musti umuran mositabian saḷaku intau mita in Keresten inta mogutat.

PETRUS 1 1:22

Popisí in moiko bo umuran dinumudui kon onu inta sinundú i Allah, dá tabidon in nondarit kon i monimu sahingga in totu-totuudon in moiko motabi kon intau mita inta tumpaḷa mopirisaya kon i Kristus. Pogumanku bui, totu-totuudon positabian in moiko kon tobatú bo tobatú takin gina motuḻid.

PETRUS 1 3:8

Naa in kasimpulannea: utat mita poramuji mobiag motobatú kon tosingogon bo porasaan. Moiko in musti umuran mositabian ná doyowa mogutat. Moiko in musti doman mosituḷungan bo mokopoompá kon dodia.

PETRUS 2 1:7

Bo aka mobiag podudui in ibog i Allah yo musti intompodan in tabi kon i utat mita inta tumpaḷa mopirisaya kon i Allah bo tabi doman kon bayongan intau.

YOHANES 1 2:3

Aka kita bo umuran dumudui kon parenta mita i Allah, dá tua in tandanea kon kita in nonotaau kon i Allah.

YOHANES 1 3:23

Naa in pinarenta-Nea kon i naton: Kita in musti mopirisaya kon i Adí-Nea, tuata in ki Yesus Kristus, bo kita in musti umuran mositabian, ná inta ain pinarenta i Kristus kon i naton.

YOHANES 1 4:12

Diábí tobatúmai intau in nokoimontandon in nokoontong kon i Allah, táe aka kita mositabian, yo ki Allah notobatúdon naton bo tabi-Nea mobaḻídon mosompurna kon i naton.

YOHANES 1 5:13

Pinaisku in naa kon i monimu inta ain nopirisaya kon i Adí i Allah, sinbá kotaauandon monimu kon moiko ain nokouḻí kon kobiagan mopia bo mononoi.

YOHANES 1 5:2

Naa in daḷan naton monotaau kon kita in motabi kon i adí mita i Allah: Kita motabi kon i Allah bo motoindudui kon parenta-Nea mita.