YOHANES 1 2:17 - Alkitab Singog In Mongondow Masa In Tanaa

¹⁷ Dunia naa bo bayongan tombonunea inta kinoibog in intau koyogotdon in moyoyang. Táe intau inta dinumudui kon ibog i Allah, i mobiagbí mononoi.

YOHANES 1 2:17 ပူးပေါင်းရင်းမြစ်များ

MAZMUR 102:26

dungkuḷmai Iko in nomaḻí kon butá; ḷangit in Iko doman kitogi mia.

MAZMUR 143:10

Tundúdon in akuoi mogaid kon onu in kinoibog-Mu, sin Ikobí in ki Allahku. Iko in mopia in gina, bo modia kon inakó mayá mongindaḷan notondodai.

MAZMUR 39:6

Totuu mopoḷok in kobiaganku inta sinantú-Mu! Aka kon ini-Mu wakutu kinobiaganku diábí in mangaḻenea. Totuu, intau naa in tongábí naonda bo poginaan,

MAZMUR 90:9

Kobiagan nami in mopoḷok popisí in torú-Mu, taong mita in kobiagan nami in modait naonda bo tompot poginaan.

AMSAL 10:25

Aka deḷang mondangat, moyopúdon in intau moraat; táe intau inta motuḻid in gina in umuranbí moroton.

MATIUS 21:31

Yo ki ine in kon sigad nayadua tua in nogaid kon inta kinoibog i amánea?” Tubag monia, “Inta guya-guyang.” “Poguman-Ku kon i monimu: Intau inta mononagi kon pajak bo bobay mita inta sundaḷ in moiuna kon i monimu tumuot mobaḻí anggota in umat i Allah. “Inta induanea,” tubag in imang mita tongguḷunea bo itoi mita in Yahudi tatua.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

MATIUS 7:21

“Diábí komintan intau inta mogoiní kon i-Nakó, ‘Tuhan, Tuhan,’ in mobaḻí umat-Ku, táe tongábí mosia inta dinumudui kon koibog i Amá-Ku inta kon soroga.

MARKUS 3:35

Intau inta dinumudui kon ibog i Allah, siabí tua in ki utat-Ku ḷoḷaki bo ki utat-Ku mita bobay bo ki iná-Ku.”

YOHANES 4:14

táe intau inta monginum kon tubig ogoi-Ku in diá bidon moyoga-yogang, sin tubig inta ogoi-Ku kon inia in mobaḻí bidon bokaká kon bonu in awaknea, bo umuran ḷumuai bo mobogoi in kobiagan mononoi.”

YOHANES 6:58

Naabí in roti inta noponag nongkon soroga: deemanbí ná roti inta kinaan in mogoguyang monimu. Sin naonda in nokaan mako kon roti tatua, mosia in minatoi doman. Táe intau inta mokaan kon roti tanaa in umuranbí mobiag.”

YOHANES 7:17

Intau mita inta moibog dumudui kon i Allah, kotaauanneabí mongo nongkon i Allah in totundú-Ku naa andeka nongkon i-Nakó tontaní.

SURAT I PAULUS KON JAMAAT RUM 12:2

Donaai in moiko dumudui kon ibog in dunia naa. Pomayádon mako in ki Allah in monoimbagu kon i monimu, sinbá mobaḷui in moiko. Sahingga in kotaauandon monimu onu kinoibog i Allah, tuata inta mopia bo inta mokosanang kon gina-Nea bo inta mosompurna.

KORINTUS 1 7:31

bo intau inta umuran nobaḻí ki ata in onu inta kon dunia naa, yo donaaidon in sia moibog tonggataan in dunia naa. Sin dunia naa in motoyong bidon moyoyang takin kaadaannea masa in tanaa!

KOLOSE 1:9

Manangka intua umurandon sambayangan nami in moiko naonda in kinodongogandon nami in habar soaḷ moiko. Kami in mopoigum kon i Allah sinbá moiko in mobijaksana bo mopandoi popisí in kawasa in Roho i Tuhan, sahingga in kotaauandon totok monimu onu in kinoibog i Allah.

KOLOSE 4:12

Salam doman nongkon i Epapras. Sia naa intau doman nongkon sigad monimu. Mosia naa in mogogaid doman kon oaidan i Kristus inta umuran mosatia in mosambayang sin kopontingan monimu. Sia totok in mopoigum kon i Allah sinbá mobaḻídon moropot in koyakinan monimu, bo totu-totuudon moguyang in moiko sinbá totu-totuu domandon dumudui kon ibog i Allah.

TESALONIKA 1 4:3

Nanaa in kinoibog i Allah: Ibogon-Nea moiko in mobiag tongábí kon bonu in kawasa-Nea; mobiag modarit kon bayongan in yagi-yagi bo yumayú kon oaid mita mokotor bo inta diá mopia.

TESALONIKA 1 5:18

Naondakabí in kaadaan monimu, yo tantúbí posukur, sin tuata in kinoibog i Allah aidan monimu saḷaku intau mita inta ain nobiag notobatú i Yesus Kristus.

IBRANI 10:36

Mokoposabarbí in moiko, sinbá motaaupa mogaid kon onu inta kinoibog i Allah, sahingga in tarimaanbí monimu in onu inta pinodandi i Allah tua.

YAKOBUS 4:14

Onu in mobaḻí kon kobiaganmu ikoḷom, diábí doman kinotaauanmu tontaní! Moiko nion in tongábí naonda bo poyok inta koontongan motoyong, onda intua diádon.

PETRUS 1 1:5

Tua komintan in ogoi kon i monimu, sin moiko in mopirisaya kon i Allah. Moiko iḷukadanbí doman in kawasa i Allah sinbá moiko in motarima kon kasaḷamatan inta sinadiadon bo poponiata kon singgai tumi.

PETRUS 1 4:2

Manangka intua, kobiagdon in moiko kon singgai moiduduimai podudui in onu inta kinoibog i Allah, bo deemanbí dumudui kon ibog in intau.