YOHANES 1 2:1 - Alkitab Singog In Mongondow Masa In Tanaa

¹ Adíku mita! Naa mita in pinaisku kon i monimu, sinbá moiko in diádon mogaid kon dosa. Tongá aka oyúon in mogaid kon dosa, dá oyúon in mototuḷung naton, Sia tua in ki Yesus Kristus inta moadil. Sia in mayá in tayowon i Allah bo mopoigum sinbá ampungandon in taḷá mita naton.

YOHANES 1 2:1 ပူးပေါင်းရင်းမြစ်များ

MAZMUR 4:4

Pokotaaudon, ki Tuhan ain nomiḻí kon i-Nia tontaní tobatú intau inta kinotabi-Nea. Ki Tuhan in mokidongogbí aka mokuani in akuoi kon i-Nia.

YEHEZKIEL 3:21

Aka intau inta mopia tatua ogoianmu in tompoingat sinbá diá mogaid kon dosa, bo dumudui in sia kon tongginamu, dá diábí in sia hukumon-Ku, bo iko in mosaḷamatbí.”

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

LUKAS 10:22

Yagi-yagi komintandon pinosarakan i Amá kon i-Nakó. Bo diábí in tobatúmai intau nonotaau kon Adí, koḻikudbí in ki Amá. Bo diábí doman intau in nonotaau kon i Amá koḻikudbí in Adí; bo intau mita inta kinoibog in Adí popotaauan kon ki ine in ki Amá.”

YOHANES 13:33

Adí-Ku mita, Akuoi in diá bidon moonggot in moyotakin monimu. Tayakonbí monimu in Akuoi, táe ná inta ain pinoguman-Ku kon itoi mita in Yahudi bo inta pinoguman-Ku doman kon i monimu, tampat inta bayáan-Ku in diábí kodapotan monimu.

YOHANES 14:16

Poigumon-Kubí kon i Amá, bo ogoian-Neabí moiko in mototuḷung ibanea, inta umuran mogutun moyotakin monimu.

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

YOHANES 21:5

Ki Yesus in noḻibó kon i monia, “Adí-Ku mita, oyúon degá in toyá kon i monimu?” “Diá,” tubag monia.

YOHANES 5:14

Noiduduimai kon tua, ki Yesus in bui noyodungkuḷ in intau tatua kon bonu in Baḷoi Tuhan, bo ki Yesus in noguman kon inia: “Pokotoropdon, nopiadon iko in tanaa. Dikadon bui mogaid kon dosa, sinbá diá koantugan bui in inta moraa-raat.”

YOHANES 5:36

Táe kon i-Nakó in oyúon in kosakusian inta moponti-ponting nongkon kosakusian inta pinoyaput i Yohanes, tuata in oaidan inta pinoki aid i Amá kon i-Nakó. Oaidan tatuata inta yogot-Ku in aidan tanaa mako, tuata in mobaḻí bukti kon ki Amábí in nopotabá kon i-Nakó.

YOHANES 6:27

Donaaibí mogaid sinbá mokouḻí kon kaanon inta modai-daitpa bo inta mobongkog. Táe pogaidbí sinbá mokouḻí kon kaanon inta diá mobongkog bo inta mobogoi in kobiagan mononoi. Kaanon tatua in ogoibí i Adí Intau kon i monimu, sin Sia ain ilantik i Allah inta ki Amá.”

YOHANES 8:11

“Diá, Pak Guru,” tubagnea. “Tua in nopia,” guman i Yesus, “Akuoi in diábí doman mohukum kon inimu. Táe bayádon, bo donaaidon bui momia kon dosa.”]

OUMAN IN RASUL MITA 7:52

Eta oyúon nabi in diá pinogutú in mogoguyangmu mita? Sinbá kotaauan monimu, nodait monia iḻimod in totabá mita i Allah koḻipod, inta namangoi sin mopotaau in koangoian in Simpaḷ i Allah inta totok in mobanar, inta aindon doman irupa-rupamai monimu poḷat iḻimod.

SURAT I PAULUS KON JAMAAT RUM 5:10

Sin tungkuḷpa in nobaḻí saturu i Allah in kita, kita pinoyodamedon takin-Nea inta pinodoyon kon kinopatoian i Adí-Nea, apa doman in tanaa naonda in hubungan naton takin i Allah notompiadon bui, tantú kita in posaḷamatonbí doman bui pongin kinobiagan i Kristus.

SURAT I PAULUS KON JAMAAT RUM 6:15

Tanaa, onu degá in simpodnea? Degá motaau in kita in mogaid kon dosa, sin kita in diádon nobiag kon bonu in kawasa in hukum agama Yahudi, táe nobiag bidon kon bonu in kawasa in totabi i Allah? Diábí motaau!

SURAT I PAULUS KON JAMAAT RUM 8:34

Oyúon degá in intau moibog mopotaḷá kon i naton? Bain ki Kristus in mobela kon i naton! Siabí tua inta ain minatoi, táe Siabí doman tua inta ain biniag bui nongkon kinopatoian bo kon tampatdon i Allah inta mokawasa.

KORINTUS 1 15:34

Mokoposadardon in tanaa, bo donaaidon mogaid kon inta diá mopia. Sabanarnea in bá mustibí mooyá in moiko sin kon sigad monimu oyúonpa in diá nonotaau kon i Allah.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

GALATIA 4:19

Uḻe adíku mita inta kinotabiku! Tanaa akuoi in bui notakit sin umuran morai kon i monimu. Takitku naa in naonda bo takit in monononggadí. Moajar totok in porasaanku, aka sipat mita i Kristus bo diápa noitonop kon bonu in gina monimu!

EPESUS 2:18

Pinotonsigad kon i Kristus, kita komintan, intau Yahudi andeka deeman intau in Yahudi, takin totuḷung in Roho i Allah inta tobatú tua, kita in motaau dimiug kon i Amá.

EPESUS 4:26

Aka moiko bo tumorú, yo mokopopia sinbá diá baradosaan popisí in torúmu tatua. Dika tumorú tumongo singgai tua,

TIMOTIUS 1 2:5

Sin tongábí totobatú in ki Allah bo tongábí doman tobatú in mononigad kon intau bo kon i Allah, Sia tuata in ki Kristus Yesus.

TIMOTIUS 1 3:14

Igumonku mako tua, diádon moonggot in akuoi bo mayá mokipodungkuḷ kon inimu. Umpakabí natua, táe akuoi in nomaispabí kon surat tanaa kon inimu,

IBRANI 9:24

Sin ki Kristus in diábí sinumuot kon Yuang Motusi inta pinomia in intau, inta nobaḻí lambang in yuang Motusi inta totokea. Ki Kristusbí tontaní in sinumuot kon soroga; tanaa Sia in minayá kon tayowon i Allah sin lantaran kopontingan naton.

YAKOBUS 1:27

Podudui ibog i Allah, ibada inta moitutui in motuḷungbí kon adí mita inta uno-unondon bo kon i monia inta dongkadon boba-bobay inta nobiag moyoyiga, poḷat doman moḷukad kon awak tontaní sinbá diá poguyaaton in dunia naa.

YAKOBUS 3:9

Pakéon naton mopoyaput in sukur kon i Tuhan bo kon i Amá naton, táe pakéon doman mogodi-godimai kon tumpaḷa intau, inta ain pinomia pinodudui kon batangan i Allah.

PETRUS 1 2:22

Sia in diábí dodai onda in nogaid kon dosa, bo diábí doman tobatúmai intau nokodongog kon i-Nia nonguboḷ.

PETRUS 1 3:18

Sin ki Kristus tontaní in tongábí doman komintan minatoi popisí in dosa mita intau. Tobatú intau inta diá kotaḷá; minatoi popisí in intau inta kotaḷá. Ki Kristus in nogaid kon tua sinbá kita in motaau-Nea diaan mayá kon i Allah. Sia in iḻimod kon kaadaan saḷaku intau, táe biniag bui kon bonu in Roho.

YOHANES 1 3:18

Adíku mita! Donaaibí in kita motabi tongá kon bibig ande tongá kon singog, táe poniatabí in tabi tatua kon oaid naton.

YOHANES 1 3:5

Bo kinotaauan bidon monimu kon ki Kristus tua in namangoi sin motobut kon dosa mita intau, bo Sia tua in diábí kon dosa.

YOHANES 1 3:7

Adíku mita, dika moibog in moiko poyayingon i inekadon. Sin intau inta nogaid kon onu inta kinoibog i Allah, mosia tuata in ki adí mita i Allah ná doman onda bo ki Kristus inta ki Adí i Allah.

YOHANES 1 4:4

Táe uḻe, moiko nion ki Allahbí in kitogi. Sinaḷowdon monimu in intau mita inta deeman totuu nabi, sin Rohobí inta nongawasa kon i monimu in mokawa-kawasa nongkon roho mita inta nongawasa kon intau mita inta nobaḻí kapunyaan in dunia naa.

YOHANES 1 5:17

Bayongan in oaid inta moitaḷá in dosabí, táe oyúon in dosa inta diábí mokopopisí kon intau tatua kobuḻian in kobiagan mopia bo inta mononoi tua.

YOHANES 1 5:21

Adíku mita, mokopoyayúdon in moiko kon berhala mita!

YOHANES 3 1:4

Aka kon inakó, diábí in poḻiu kon ḷunganga in ginaku wakutu in nokodongogmai kon ki adíku mita in umuran nobiag noidudui kon onu inta sinundú i Tuhan.