YOHANES 1 1:7 - Alkitab Singog In Mongondow Masa In Tanaa

⁷ Táe aka kita in mobiag kon bonu in bayag ná ki Allah inta kon bonu doman in bayag, dá kita in mustibí mobiag modagin, motompia bo mositabian tobatú bo tobatú. Bo dugú i Yesus, ki Adí-Nea tua, mondarit kon i naton nongkon bayongan dosa.

YOHANES 1 1:7 ပူးပေါင်းရင်းမြစ်များ

MAZMUR 104:2

bo kinoḷubungan in sindar. Iko in nomukat kon ḷangit naonda bo ḷoḷaigan,

MAZMUR 51:2

naonda in sia sinoboḷow i Nabi Natan popisí in nonuaḻing takin i Batsyeba.

MAZMUR 56:13

Akuoi in mogintompodbí kon dandiku kon ini-Mu, o Allah, bo moposumba in kuruban sukur kon ini-Mu.

MAZMUR 89:15

Kooadil bo hukum in nobaḻí dodoyonan in dodatuan-Mu, tabi bo kososatia in noniata kon bayongan aid-Mu.

MAZMUR 97:11

Bayag ain nomuká kon intau inta motuḻid in gina, bo ḷunganga in gina kon intau inta mojujur.

YESAYA 2:5

Ei, buí i Yakub, igai in kita dumudui kon bayag i Tuhan!

YESAYA 33:24

Diábí tobatúmai in intau kon butá naton in mogamui popisí in motakit, bo bayongan in dosa in ampunganbí.

YESAYA 6:7

Iḻiainea in bibigku in baga tatua poḷat nosingog, “Baga tanaa ain noḻiai kon bibigmu. Tanaa in taḷámu ain pinopatan bo dosamu in inampungandon i Tuhan.”

AMOS 3:3

Degá oyúon in intau doyowa in mayá moyotakin táe diá moyosingog muna?

ZAKHARIA 13:1

Ki Tuhan Inta Totok in mokawasa in noguman, “Kon singgai tatua momukábí bokaká tobatú sin mopotusi kon buí i Daud bo intau inta nogutun kon Yerusalem nongkon bayongan in dosa bo posumbaan kon berhala inta ain inaidan monia.

MATIUS 6:12

Bo ampungaidon taḷá nami, ná doman kami ain nongampung kon intau inta kotaḷá kon inami.

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

YOHANES 12:35

Ki Yesus in notubag: “Tongábí samantara in bayag tatua kon yua-yuak monimu. Tuamai bayádon kon dodai in bayag tatua kon yua-yuakpa monimu, sinbá moiko in diá kokawasaan in sindip, sin intau inta mayá kon bonu in sindip in diábí kotaauannea in bayáannea.

YOHANES 5:4

Sin oyúon inta moiangoi in malaekat i Tuhan moponag kon tabang tatua bo moḻimbok kon tubignea. Bo intau motakit inta muna ḷumabú kon tabang tatua wakutu in moḻimbok, mopia onukabí in takitnea.]

SURAT I PAULUS KON JAMAAT RUM 13:12

Doḷom diádon moonggot; topípa mobayagdon. Dá koḻigai mogogaidon in kita in mogaid kon inta diá mopia, bo momakédon in sonjata inta mobayag.

KORINTUS 1 6:11

Koḻipod oyúon in kon sigad monimu in umuran mogaid kon natua mita. Táe tanaa in poniatadon kon nodaritdon in moiko nongkon bayongan oaid inta diá mopia. Moiko in nobaḻídon umat i Allah inta piniḻí-Nea. Moiko buidon noyobayat i Allah, sin nopirisayadon kon i Tuhan Yesus Kristus bo popisí kawasa doman in Roho inta nongkon i Allah naton.

EPESUS 1:7

Ki Kristus in minatoidon sin mopobebas kon i naton bo mongampung kon bayongan dosa.

EPESUS 5:8

Moikopa tontaní koḻipod in mobiag doman kon sindip. Táe tanaa moiko in nobaḻídon umat i Tuhan, mangaḻenea kon tua, moiko in kon bonudon in bayag. Tuamai moiko in mustidon mobiag kon bonu in bayag.

TIMOTIUS 1 6:16

Tongábí Sia in diá kokawasaan in popatoi bo inta nobiag kon sindar inta diá motaau diugan i inekabí. Diábí in tobatúmai intau mokoontong kon i-Nia, bo totuubí kon diábí ontongon intau in Sia. Tongábí Sia in patus horomaton sin kawasa-Nea in noiḻiu kon bayongan kawasa kon dunia naa modapot in kopaḷutan dunia naa! Amin.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

IBRANI 9:14

Dá aka dugú bo ḷobud mokodarit kon onu inta nokotor kon intau mita tatua, yo bambíkabí dugú i Kristus! Pinongin Roho inta diá mato-matoi, ki Kristus ain noposumba in awak-Nea tontaní kon i Allah saḷaku kuruban inta nosompurna. Tuabí in nondarit kon gina naton nongkon upacara mita inta diá in baragunanea, sinbá kita umuran mosumba kon i Allah inta nobiag.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

PETRUS 1 1:19

táe dugúbí inta totok in momahaḷ, tuata in dugú i Kristus inta pinodugú naonda bo dugú in ki adí in domba inta diá nobogit ande diá pinaḻi-paḻían. Sia pinokuruban kon i Allah.

YOHANES 1 1:3

Onu inta ain inontong bo dinongog nami, tuabí doman in potaau nami kon i monimu, sinbá moiko in motobatú domandon nami bo motobatú domandon i Amá bo i Kristus ki Adí-Nea.

YOHANES 1 1:5

Naadon in habar inta ain dinongog nami nongkon i Adí-Nea bo inta poyaput nami kon i monimu: Ki Allah tua in bayagbí, bo kon i-Nia diábí in sindip topiḻikpamai.

YOHANES 1 5:6

Ki Yesus Kristus tuata inta namangoi kon dunia takin tubig inta pinobaptisan kon i-Nia bo takin doman dugú in kinopatoian-Nea. Sia in namangoi deemanbí tongá takin tubig, táe takinbí tubig bo dugú. Bo Roho i Allah tontaní nobogoi in kosakusian kon totuubí intua, sin Roho in diábí kon dodai in onda in monguboḷ.

YOHANES 1 5:8

Toḷu doman in sakusi kon dunia naa, tuata in Roho i Allah, tubig bo dugú. Toḷu tatua in komintan nobogoi in kosakusian inta notongkai.

YOHANES 2 1:4

Nosanangdon totok in ginaku nokotaaumai kon oyúon in ki adí mita i Iná in nobiag podudui in totundú mita i Allah, ná inta pinoki aid i Allah Amá kon i naton.

YOHANES 3 1:4

Aka kon inakó, diábí in poḻiu kon ḷunganga in ginaku wakutu in nokodongogmai kon ki adíku mita in umuran nobiag noidudui kon onu inta sinundú i Tuhan.

WAHYU 1:5

bo nongkon i Yesus Kristus, sakusi inta mosatia. Sia tua inta muna-munamai totok biniag bui nongkon kinopatoian bo Sia doman in nongawasa kon bayongan datu kon dunia naa. Ki Yesus in motabi kon i naton, tuamai Sia in noibog minatoi sin momilat kon i naton nongkon kawasa in dosa mita naton,

WAHYU 12:11

Dugú i Adí in Domba bo Habar Mopia nongkon i Allah inta pinotaau monia, tua in pinaké i utat mita naton nonaḷow kon inia. Mosia in diábí moondok in matoi.

WAHYU 7:14

Dá tubagku kon inia: “Diábí kinotaauanku, ki Tuangbí in nonotaau kon tua.” Dá sia in noguman bui kon inakó: “Mosia naa in intau mita inta nosaḷamatdon nongkon roriga inta moḷoben, bo ain binatáan monia kinobudó in jubah monia kon bonu in dugú i Adí in Domba tatua.