YOHANES 9:34 - Alkitab Singog In Mongondow Masa In Tanaa

³⁴ Dá tubag monia kon inia, “Onu? Iko inta nopuḻing in dosa nongkon noilahirpamai, iko in moibog motundú kon inami?” Dá mulaidon singgai tuata sia in diádon inogoi monia sinumuot kon baḷoi pososambayangan.

YOHANES 9:34 ပူးပေါင်းရင်းမြစ်များ

KINOBAḺIAN 19:9

Táe intau mita in Sodom tatua in noguman kon i Lot, “Pomamping! Iko nion tongá mokokiangoi bo mogator kon i nami? Bayá intua! Aka diá, yo iko in bouton nami totok poḻiuon kon inayadua tua.” Bo inundudon monia in ki Lot bo poḷat binayá dinangatan monia in ḷoḻingkop.

TAWARIKH 2 25:16

“Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”

AYUB 14:4

Motaau degá in intau baradosa mokopoangoi kon inta motompod?

AYUB 25:4

Degá intau motusi kon mata i Allah? Degá nodarit kon tayowon-Nea?

MAZMUR 51:5

Sin inakukubí in bayongan in taḷáku, dosaku in umurankubí toro-toropon.

IḶUAIAN 2:14

Intau tatua in notubag, “Ki ine in noduí kon inimu itoi bo hakim kon i nami? Degá ḻimodonmu doman in akuoi, ná intau in Mesir inta iḻimodmu tua?” Bo ki Musa inagíandon in ondok bo norai, “Mobodito! Oaidku tatua aindon kinotaauan.”

AMSAL 22:10

Untundon in intau inta moibog moningkuḻe, dá mogogaidon in ropatoi, sosaturuan bo mosipotaḷáan.

AMSAL 26:12

Intau inta totok in bodok in mopia-piabí kon intau inta tumangoi mopandoi.

AMSAL 29:1

Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

YESAYA 65:5

Mosia in noguman ‘Bayádon koyayú, dika moḻiai kon inami sin kami in motusi bo noitondí nongkon i monimu!’ Akuoi in diádon mokoigon in mokoontong kon dodia monia! Torú-Ku kon i monia in naonda bo tuḷú inta diá mopio-piong.

YESAYA 66:5

Indongogaidon onu in pinoguman i Tuhan, ei moiko inta moondok bo motoindudui kon i-Nia, “sin moiko in motoindudui kon i-Nakó, oyúon in kon sigad in bangusamu inta morongó kon i monimu, bo doí moyobayat monimu. Mosia in mopoyagi-yagimai kon i monimu pongin moguman, ‘Pomayádon mako in ki Tuhan mopoontong in kamuliaan-Nea, sinbá kami in mokoontong kon ḷunganga in ginamu.’ Táe mosiadon tontaní in bui mooyá.

LUKAS 11:45

Tobatú mototundú kon agama noguman kon i Yesus nanaa, “Pak Guru, singog i Pak Guru tua in mokopooyábímai kon inami!”

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

LUKAS 18:17

Torop kopira in singog-Ku naa, “Intau inta mamangoi kon i Allah táe diá ná mongoadí mita tanaa, yo mosia in diábí mobaḻí umat i Allah.”

LUKAS 6:22

Pia in kamang in moiko aka moiko sinaturu, diá sinarima, siningkuḻe bo pinoponapudan doman in uboḷ, sin popisí in moiko dumodudui i Adí Intau!

YOHANES 6:37

Bayongan in intau inta inogoi i Amá-Ku kon i-Nakó in mamangoibí kon i-Nakó. Ki inekabí in mamangoi kon i-Nakó diábí in diá tarimaan-Ku.

YOHANES 8:41

Moiko in mogaidbí kon onu inaidan i amá monimu tontaní.” Táe mosia in notubag, “Kami naa in deemanbí adí kon boyot. Ki Amá nami in tongábí tobatú, Sia tua in ki Allah tontaní.”

YOHANES 9:2

Murí-Nea mita in noḻibó kon i Yesus, “Pak Guru, nongonu sin intau tanaa in pinolahirbí bilog? Popisí in dosa i ine intua dosanea tontaní andeka dosa i iná bo i amánea?”

YOHANES 9:22

Guyanganea in noguman natua sin moondok in mosia kon itoi mita in Yahudi; sin mosia ain noyopakat kon intau inta mongaku kon ki Yesus tua in Datu Mopoposaḷamat, diádon motaau in tumuot kon baḷoi pososambayangan.

YOHANES 9:35

Kinodongogandon i Yesus kon intau tatua in diádon inogoi monia sinumuot kon baḷoi pososambayangan. Dá sinayak-Nea in intau tatua bo noguman kon inia, “Degá iko mopirisaya kon i Adí Intau?”

YOHANES 9:40

Tongonumai intau in Parisi inta kon tua in nokodongog kon i Yesus nosingog natua, bo mosia in noḻibó kon i-Nia, “Makusud-Mu in kami naa in bilog doman?”

GALATIA 2:15

Aka podudui in buí, yo kami naa intaubí in Yahudi bo deemanbí “intau deeman Yahudi inta binaradosa”.

EPESUS 2:3

Koḻipod, kita komintan in ná doman mosia tua; kita nobiag dinumudui doman kon tabiat in awak naton bo nogaid kon onu inta mokosanang kon awak bo raian naton. Wakutu intua kita naa in intaubí doman inta kinotugatan in torú i Allah, ná doman mosia tua.

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”

YOHANES 3 1:10

Tuamai, aka akuoi in mamangoidon, yo daitonkudon oumanon in bayongan inta pinomianea, inta kopiadon mongonguman kon soaḷ mita uboḷ sin moporaa-raatmai kon i nami! Deemanbí doman tongá tua in pinomianea, sin kon tungkuḷ in ki utat mita naton tumpaḷa Keresten namangoi, doí in sia notarima kon i monia. Nodapotbí in ilarangnea in intau mita inta moibog motarima kon utat mita tatua, nodapot in pinoḷuaineadon in intau mita tatua kon bonu in jamaat!

YOHANES 3 1:9

Akuoi ain nokidia in surat kon jamaat umpaka tongá nopoḷok, táe ki Diotrepes inta moibog mobaḻí itoi kon bonu in jamaat, doí dumudui kon onu inta pinogumanku.

WAHYU 13:17

Diábí tobatúmai intau motaḷui andeka mopotaḷui in onukadon, aka diá in tanda tatua. Tangoi in mahaḷuk tatua in pinonontanda, andeka angka inta nobaḻí tanda in tangoi tatua.