YOHANES 9:26 - Alkitab Singog In Mongondow Masa In Tanaa

²⁶ Bo mosia bui noḻibó kon inia, “Onu in pinomia-Nea kon inimu? Naonda in pinogogaid-Nea sin nokoontong bidon in iko?”

YOHANES 9:26 ပူးပေါင်းရင်းမြစ်များ

AMSAL 26:5

Ḷoḻibó inta mobodok mustibí tubagan in tontubag inta mobodok doman, sinbá ki inta moḻibó in monotaaudon kon diábí in sia mopandoi ná inta kon raiannea.

YEREMIA 36:17

Onda intua noḻibó in mosia, “Potaauka kon i nami mongo naonda in pinomomaismu kon bayongan naa. Degá ki Yeremia in noguman kon inimu?”

LUKAS 6:7

Mototundú mita kon agama bo intau in Parisi umuran mako motayak kon taḷá i Yesus sinbá oyúon in baḻíon monia dodoyonan popongaduan kon i-Nia. Tuamai in mosia umuran monaridi mako mongo ki Yesus mongundam kon intau aka singgai in Sabat.

YOHANES 9:10

Dá iḻibódon monia, “Naondabí sin iko in nokoontong bidon?”

YOHANES 9:15

Mosia noḻibó doman kon inia mongo naondabí sin sia in nokoontong bidon. Sia in notubag, “Sia nopoḻepo in yoná kon mataku, bo nongiamotdon in akuoi bo poḷatdon nokoontong.”

YOHANES 9:25

Dá kai intau tatua doman, “Dinosa andeka diá in Sia, tua in diábí kinotaauanku. Táe totontagá in kinotaauanku; koḻipod akuoi bilog, táe masai naa in nokoontong bidon in akuoi.”

YOHANES 9:27

Intau tatua in notubag, “Aindon inoumanku kon inimu, táe moiko in doí mopirisaya. Nongonu sin buipabí in moiko moḻibó? Degá moibog doman in moiko mobaḻí dumodudui-Nea?”