YOHANES 9:22 - Alkitab Singog In Mongondow Masa In Tanaa

²² Guyanganea in noguman natua sin moondok in mosia kon itoi mita in Yahudi; sin mosia ain noyopakat kon intau inta mongaku kon ki Yesus tua in Datu Mopoposaḷamat, diádon motaau in tumuot kon baḷoi pososambayangan.

YOHANES 9:22 ပူးပေါင်းရင်းမြစ်များ

AMSAL 29:25

Moondok kon raian in intau, mokopoangoi kon roriga. Popirisaya kon i Tuhan, dá moamanbí in iko.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 51:7

Indongogaidon in Akuoi ei bangusa-Ku, kinotaauanbí monimu onu in totuu; totundú-Ku in noitagú kon bonu in ginamu. Dika moondok aka moiko singkuḻeon in intau, dika moḻia-ḻiaw in gina aka moiko singkuḻeon monia.

YESAYA 57:11

Ki Tuhan in noguman, “Ki ine in dewa mita tatua inta nopobaḻí kon i monimu moondok, dá moiko in monguboḷ bo diádon mokotorop kon i-Nakó? Eta degá moiko in diádon mosumba kon i-Nakó popisí in Akuoi noonggot totok in kibio-biómai?

LUKAS 6:22

Pia in kamang in moiko aka moiko sinaturu, diá sinarima, siningkuḻe bo pinoponapudan doman in uboḷ, sin popisí in moiko dumodudui i Adí Intau!

YOHANES 1:19

Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”

YOHANES 16:2

Moiko in poḷuaionbí nongkon baḷoi mita in pososambayangan. Bo moiangoibí in wakutunea kon intau inta moḻimod kon i monimu in mosangka kon sia tua in dinumuduibí kon parenta i Allah.

YOHANES 19:38

Noiduduimai kon tua, ki Yusup inta nongkon Arimatea nopoigum kon i Pilatus mogamá kon mayat i Yesus. (Ki Yusup naa in dumodudui Yesus, táe tongá umado-adop sin moondok kon intau mita Yahudi.) Inogoi i Pilatus in onu inta pinoigumnea tatua, dá binayáneadon pinopoponag in mayat i Yesus tatua.

YOHANES 20:19

Kon singgai doman in Diminggu tatua, naonda in nodoḷomdon, murí mita i Yesus noyosipun kon baḷoi tobatú bo kinunsían monia komintan in ḷoḻingkop, sin moondok kon intau mita in Yahudi. Táe ki Yesus in baḷúbí noisindog magí kon yua-yuak monia bo noguman, “Salam dodamean bo kobiagan motompia kotaki-takin monimu.”

YOHANES 7:13

Táe diá in tobatúmai intau in mokobaḻí moguman taran-tarangan soaḷ ki Yesus sin mosia in moondok kon itoi mita intau in Yahudi.

YOHANES 9:18

Táe itoi mita intau Yahudi tatua doí mopirisaya kon intau inta koina nobilogpa bo tanaa ain nokoontong. Tuamai mosia in nogoinídon kon guyanganea,

YOHANES 9:21

Táe aka soaḷ sia nokoindoidon nion, yo diábí kinotaauan nami. Ḻibódon kon inia tontaní, sin noguyang bidon in sia; motaau bidon motubag tontaní.”

YOHANES 9:34

Dá tubag monia kon inia, “Onu? Iko inta nopuḻing in dosa nongkon noilahirpamai, iko in moibog motundú kon inami?” Dá mulaidon singgai tuata sia in diádon inogoi monia sinumuot kon baḷoi pososambayangan.

YOHANES 9:35

Kinodongogandon i Yesus kon intau tatua in diádon inogoi monia sinumuot kon baḷoi pososambayangan. Dá sinayak-Nea in intau tatua bo noguman kon inia, “Degá iko mopirisaya kon i Adí Intau?”

OUMAN IN RASUL MITA 4:18

Ki Petrus bo ki Yohanes in inoiní bui sinumuot kon yuang. Onda in noituotmai, totok in dinandi monia kon diádon motaau in taya dua mopotaa-taau mako in tangoi i Yesus tatua.

OUMAN IN RASUL MITA 5:13

Intau mita ibanea diá in kobaḻí dumugang kon i monia. Bo totok horomaton in intau mita moantó in mosia.

OUMAN IN RASUL MITA 5:40

Dá inoinídon bui monia in rasul mita tatua, sinambok bo dinandi kon diá bidon motaau in mosia bui mopotaau in habar soaḷ ki Yesus kon intau mita kon tua. Onda intua binuḻiandon bui monia.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”