YOHANES 8:9 - Alkitab Singog In Mongondow Masa In Tanaa

⁹ Naonda in nokodongogmai kon singog i Yesus natua, minayádon mosia nonaḷámai kon tampat tatua, nobatu-batú pinangkoi kon intau inta nogurang totok. Pangabisannea in dongkadon ki Yesus takin bobay tatua inta simindogpa mako kon tampatnea.

YOHANES 8:9 ပူးပေါင်းရင်းမြစ်များ

DATU MITA IMITÁNEA 17:18

Bo boba-bobay tatua in noguman kon i Elia, “Mogogundoi i Allah, nongonu popoaidbí i Amá in tanaa kon inakó? Degá namangoi in ki Amá sinbá kotoropan i Allah in dosaku, noiyaput in matoi in ki adíku?”

DATU MITA IMITÁNEA 2:44

Kinotaauanmubí totok in bayongan aidmu moraat kon i amáku. Tuamai ki Tuhan in mohukumbí kon inimu,

AYUB 20:27

Ḷangit nopoontong in koraatnea; butá in simindog monggitum kon inia.

AYUB 20:5

ḷunganga in intau moraat tongábí motoyong, bo kasanangan in intau moraat tongá tokokiap?

MAZMUR 40:14

O Tuhan, posaḷamatpa kaasí in akuoi, Tuhan ḷagidon tuḷungai in akuoi!

MAZMUR 50:21

Tuata in inaidanmu, táe Akuoi in tongábí kibio-biómai, dá iraimumai dá Akuoi in notongkaimubí. Táe tanaa in empengon-Ku in iko, bo tua mita in poniataan-Kubí kon inimu.

MAZMUR 71:13

Biódon mako in intau inta monubu kon inakó pokopooyáanmai bo yopúon. Biódon mako in intau inta moibog mopobodito kon inakó motoboḻingo bo ḻibutan in mokooyá.

MOHOHUTUBA 7:22

Kinotaauanmubí doman kon intau ibanea in nokoimontanbí doman in inodi-odianmu.

LUKAS 13:17

Nokodongogmai kon singog i Yesus natua, bayongan intau kon tua inta mosaturu kon i-Nia komintan nongooyá; táe ibanea mako in totokbí in nopia gina in nokoontong kon oaid mokoherang inta inaidan-Nea tatua.

YOHANES 8:10

Bo ki Yesus in dinumungá bo noḻibó kon bobay tatua, “Onda in mosia komintan? Diá degá in nohukum kon inimu?”

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

YOHANES 8:2

Nopoikoḷomai kon singgai, subupa Sia in minayádon bui in Baḷoi Tuhan, bo nobayong intau in namangoi kon i-Nia. Ki Yesus in iḻimitú bo nomangkoidon nobogoi in totundú kon i monia.

YOHANES 8:3

Dodai in Sia yogot motundú, mototundú mita kon agama Yahudi bo intau mita in Parisi nodia mangoi kon i Yesus kon tobatú bobay inta kinokadapatan nokituaḻing. Bobay tatua pinoki sindogan monia kon yuak,

YOHANES 8:8

Onda intua ki Yesus kinumuyung bui bo nomais bui kon butá.

SURAT I PAULUS KON JAMAAT RUM 2:15

Aid monia moponiatadon kon onu inta pinarenta in hukum tatua noipaisdon kon bonu in gina monia. Gina monia mobogoi doman in katarangan kon soaḷ tatua, sin mosia tontaní oyúon in potaḷáan bo oyúon doman in totuuon in raian monia.

SURAT I PAULUS KON JAMAAT RUM 2:22

Iko motundú kon intau dika monuaḻing, yo nongonu sin iko tontaní in monuaḻingbí! Iko morongó kon bayongan in berhala, táe nongonu sin iko in mayábí mogamá kon barang mita inta kon bonu in baḷoi in berhala mita tatua.

YOHANES 1 3:20

Kinotaauandon naton, kon aka kita bo potaḷáandon in gina naton, yo ki Allahbí in mopando-pandoi nongkon gina naton, bo kinotaauan-Neabí in bayongan yagi-yagi.